2016/HC-A/128

ސިވިލް ކޯޓުން ކަނޑައެޅީ ދެފަރާތުގެ މެދުގައި 3 މަސްދުވަހަށް ވުރެ ކުރުނޫން ނޯޓިސްއެއް ދޭންޖެހޭ ޟިމްނީ އެއްބަސްވުމެއް ވާކަމަށާއި، ފޮނުވާފައިވާ ނޯޓިސް ބާޠިލު ކަމަށެވެ. 18 މަސްދުވަހުގެ ނޯޓިހާއި ގުދަނާއި އިސްކަމާ ބެހޭ އެދުންތައް ބަލައިނުގަތެވެ.

ދައުލަތުން އިބްރާހީމް ޚަލީލަށް 2003 ގައި އެއް އަހަރަށް ކުއްޔަށްދިން މާލޭ ހުޅަނގު ބަނދަރުގެ ފިހާރައެއް، އެއްބަސްވުމުގެ މުއްދަތު ހަމަވުމަށްފަހުވެސް ކުލި ބަލައިގަނެ ބޭނުންކުރަން ދޫކޮށްފައި އޮތުމަށްފަހު، 27 ދުވަހުގެ ނޯޓިހަކުން ތަން ހުސްކުރުމަށް ދައުލަތުން އެންގިއެވެ.

ދައުލަތުން ބުނީ ޖަވާބުދާރީވުމުގެ ފުރުޞަތު ނުދީ ޙުކުމްކުރި ކަމަށާއި، ކޮންޓްރެކްޓާބެހޭ ޤާނޫނުގެ 4 ވަނަ މާއްދާއާއި މާލިއްޔަތު ގަވާއިދުގެ 6.05 (ރ) އަށް ރިޢާޔަތް ނުކޮށް ޟިމްނީ އެއްބަސްވުމެއް ވާކަމަށް ނިންމި ކަމަށާއި، ކިތާބީ ހެއްކެއް ނެތި އެހެން ފަރާތެއްގެ އެއްބަސްވުމަކަށް ރިޢާޔަތްކުރި ކަމަށެވެ.

ދައުލަތުގެ ފިހާރައެއް ކުއްޔަށްދިން އެއްބަސްވުމުގެ މުއްދަތު ހަމަވުމަށްފަހު، ދައުލަތާއި ކުއްޔަށް ހިފި ފަރާތާ ދެމެދު ތަން ހުސްކުރުމަށް 3 މަސްދުވަހުގެ ނޯޓިސް ދޭންޖެހޭ ޟިމްނީ އެއްބަސްވުމެއް ވުޖޫދުވެފައިވޭތޯ، އަދި ދައުލަތަށް ދަޢުވާއަށް ޖަވާބުދާރީވުމުގެ ފުރުޞަތު ދަށުކޯޓުން ދީފައިވޭތޯ.

ދަށުކޯޓުގެ ޙުކުމް ބާޠިލު

2003 ގެ އެއްބަސްވުމުގެ މުއްދަތު 2004 ގައި ހަމަވެފައިވާއިރު، މާލިއްޔަތު ގަވާއިދުގައި ބަޔާންކުރާފަދަ ކުލީގެ އެއްބަސްވުމެއް ދެފަރާތުގެ މެދުގައި ވެފައިވާކަން ލިޔެކިޔުންތަކުން ނޭނގޭތީ، ނޯޓިސް ބާޠިލުކުރި ޙުކުމަށް ބަދަލު ގެންނަންޖެހޭ ކަމަށް ހައިކޯޓުން ކަނޑައެޅިއެވެ.