2016/HC-A/438

ސިވިލް ކޯޓުން 260,000 ރުފިޔާ، ރަޖިސްޓްރޭޝަން ފީ 25 ރުފިޔާ އަދި ވަކީލުގެ ފީ 15,000 ރުފިޔާ އާއެކު 275,025 ރުފިޔާ 3 މަހުގެ ތެރޭގައި ދައްކައި ޚަލާޞްކުރުމަށް ޙުކުމްކުރި.

އިސްތިއުނާފުކުރި ފަރާތުން ނެގި 300,000 ރުފިޔާ އެއްބަސްވުމެއްގެ ދަށުން މަހުން މަހަށް (12 މަހު 10,000 ރުފިޔާ އަދި ބާކީ 9 މަހު 20,000 ރުފިޔާ) ދައްކަން އެއްބަސްވެ، ގެރެންޓީއެއްގެ ގޮތުގައި 300,000 ރުފިޔާގެ ޗެކެއް ދިނެވެ. މާޗް މަހުގެ ފައިސާ މުއްދަތުގައި ނުދެއްކުމުން ޗެކް ބޭންކަށް ހުށަހެޅުމުން ބައުންސްވި.

އިސްތިއުނާފުކުރި ފަރާތުން ބުނީ އެއްބަސްވުމުގައިވާ ގޮތަށް ފައިސާ ދައްކަމުން ދަނިކޮށް މަހަކަށް ދައްކަން އެއްބަސްވި ޢަދަދަށްވުރެ ގިނަ ގުނައެއް ބޮޑުކޮށް ދެއްކުމަށް ޙުކުމްކުރުމަކީ ފަނޑިޔާރުންގެ ޤާނޫނުގެ 31 (ހ)، ކޯޓުތަކުގެ ޤާނޫނުގެ 43 (ހ) އަދި ޤާނޫނުއަސާސީގެ 20 ވަނަ މާއްދާއާ ޚިލާފު ކަމަށެވެ.

ދަރަނި އަނބުރާ ދެއްކުމުގެ އެއްބަސްވުމެއްގައި ގެރެންޓީގެ ގޮތުގައި ދިން ޗެކް ބައުންސްވުމުން އެއްބަސްވުމުގައިވާ ބައިބައިކޮށް ދެއްކުމުގެ ތަރުތީބަށްވުރެ ބުރަ ގޮތަކަށް (3 މަހުގެ ތެރޭގައި) ފައިސާ ދެއްކުމަށާއި ވަކީލުގެ ފީ ދިނުމަށް ދަށު ކޯޓުން ޙުކުމްކުރުން ޞައްޙަތޯ.

ދަށުކޯޓުގެ ޙުކުމް ބާޠިލުކޮށް، ވަކީލުގެ ފީ އުނިކޮށް 260,025 ރުފިޔާ 17 މަހުގެ ތެރޭގައި އެއްބަސްވުމުގެ ތަރުތީބުން ދެއްކުމަށް ޙުކުމްކުރި

މާޗް މަސް ފިޔަވައި ހުރިހާ މަހެއްގެ ފައިސާ މުއްދަތުގައި ދައްކާފައިވާއިރު، ޗެކް ބައުންސްވާ ޙާލަތެއްގައި ޢަމަލުކުރާނެ ގޮތެއް އެއްބަސްވުމުގައި ނެތް؛ ވަކީލުގެ ފީއާމެދު އެއްބަސްވުމެއް ނެތުމުން އެ ފީ ނަގައިނުދެވޭނެ؛ އެއްބަސްވުމުގެ ތަރުތީބަށްވުރެ ބުރަ ގޮތަކަށް ދެއްކުމަށް ޙުކުމްކުރުން ޢަދުލުވެރި ނޫން.