2016/HC-A/270

ވަކިކުރީ މުވައްޒަފުގެ އެދުމުގެ މަތިންކަމާއި ނޯޓިސް މުއްދަތުގެ މުސާރަ ދިނުމަށް ކުންފުނި އެއްބަސްވިކަން ސާބިތުނުވާތީ އެ ފައިސާ ނަގައިނުދީ، ވަޒީފާގައި އުޅުނުކަމުގެ ލިޔުމާއި ވަކިކުރިކަމުގެ ލިޔުމާއި ލިބެން ނެތް އެލަވަންސް 4100 ރުފިޔާ ދިނުމަށް ޓްރައިބިއުނަލުން އަމުރުކުރި.

ވަޒީފާދޭ ކުންފުނިން މުވައްޒަފަށް 3 މަސްދުވަހުގެ ނޯޓިސް ދިނުމުން، ނޯޓިސްގެ ބަދަލުގައި 3 މަހުގެ މުސާރައާއި ޢިނާޔަތްތައް ދީގެން ވަކިކޮށްދިނުމަށް މުވައްޒަފު ސިޓީއަކުން އެދުނު؛ އެ ފައިސާ ނުދީ ވަކިކުރުމުން ފައިސާއާއި ވަޒީފާގައި އުޅުނުކަމުގެ ސިޓީ ހޯދުމަށް ޓްރައިބިއުނަލަށް ހުށަހެޅި.

އިސްތިއުނާފުކުރި ފަރާތުން ބުނީ ނޯޓިސް މުއްދަތުގެ މުސާރައާއި ޢިނާޔަތްތައް ދިނުމަށް އެއްބަސްވެފައިވާކަން ސާބިތުނުވާކަމަށް ނިންމާފައިވަނީ ކޮންޓްރެކްޓާބެހޭ ޤާނޫނުގެ 4 އަދި 5 ވަނަ މާއްދާއާ ޚިލާފަށްކަމަށެވެ.

ވަޒީފާއިން ވަކިކުރުމަށް ނޯޓިސް ދިނުމަށްފަހު މުވައްޒަފުގެ އެދުމުގެ މަތިން ވަކިކުރުމުން، ނޯޓިސް މުއްދަތުގެ ބަދަލުގައި 3 މަސްދުވަހުގެ މުސާރައާއި ޢިނާޔަތްތައް ދިނުމަށް ވަޒީފާދޭ ފަރާތުން އެއްބަސްވެފައިވާކަން ސާބިތުނުވާކަމަށް ޓްރައިބިއުނަލުން ކަނޑައެޅުމަކީ ޤާނޫނާ ޚިލާފު ނިންމުމެއްތޯ.

އިސްތިއުނާފު ބާޠިލް، ޓްރައިބިއުނަލުގެ ނިންމުން ޤާއިމް

މުވައްޒަފުގެ ސިޓީގައި ވަކިކޮށްދިނުމަށް ސަރީޙަކޮށް އެދިފައިވާއިރު، 3 މަހުގެ މުސާރައަކީ ޤާނޫނީ ހަމައަކުން ދިނުން ލާޒިމްވާ ފައިސާއެއްކަން ނުވަތަ އެ ފައިސާ ދިނުމަށް ބަނދެވޭ އެއްބަސްވުމެއް ވެވިފައިވާކަން ދައްކާ ޙުއްޖަތެއް ހުށަނާޅާތީ ޓްރައިބިއުނަލުގެ ނިންމުމަކީ ޚިލާފު ނިންމުމެއް ނޫން.