2016/HC-A/253

ސިވިލް ކޯޓުން ލިޔުންތަކާއި ހެކިބަހުން ދަޢުވާ ސާބިތުވާކަމަށް ކަނޑައަޅައި، 450,000 ރުފިޔާ 5 މަސްދުވަހުގެ ތެރޭގައި ދެއްކުމަށް ޙުކުމްކުރިއެވެ.

ލޭންޑިންގ ކްރާފްޓެއް ކުއްޔަށް ދިނުމުގެ އެއްބަސްވުމެއްގެ ދަށުން ކުއްޔަށް ހިފި ފަރާތުން އުޅަނދު ބޭނުންކުރުމުގައި އުޅަނދަށް ގެއްލުން ލިބުނު ކަމަށް ބުނެ، ގެއްލުމުގެ ބަދަލުގެ ގޮތުގައި 450,000 ރުފިޔާ ހޯދުމަށް އުޅަނދުގެ ވެރި ކުންފުނިން ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ޙުކުމަކީ ޝަރުޢީ އިޖުރާއާތުތަކާއި ޤާނޫނުއަސާސީގެ 20 ވަނަ މާއްދާގެ ރޫޙާ ޚިލާފު ނިންމުމެއް ކަމަށެވެ.

ކުއްޔަށް ހިފި ލޭންޑިންގ ކްރާފްޓަށް ލިބުނު ގެއްލުމުގެ ބަދަލު ކުއްޔަށް ހިފި ފަރާތުން ދިނުމަށް ސިވިލް ކޯޓުން ކުރި ޙުކުމަކީ، ހެކި ހުށަހެޅިފައިވާ ގޮތާއި ޤާނޫނުއަސާސީގެ 20 ވަނަ މާއްދާއާ ޚިލާފު ޙުކުމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

އިސްތިއުނާފުކުރި ފަރާތުގެ އެދުމުގައި ހެދި ސާރވޭ ރިޕޯޓުގައި މަރާމާތު ޚަރަދަށް ބަޔާންކުރި ޢަދަދަށްވުރެ މަދު ޢަދަދެއް ނަގައިދީފައިވާކަމާއި، އުޅަނދަށް ލިބޭ ގެއްލުމުގެ ޒިންމާ އުފުލާނެކަމަށް އިސްތިއުނާފުކުރި ފަރާތުން ސިޓީއަކުން އަންގާފައިވާތީ ޙުކުމަށް ބަދަލު ނުގެނެވުނެވެ.