2016/HC-A/203

ޓްރައިބިއުނަލުން އުނިކުރުމަކީ ވަޒީފާއާބެހޭ ޤާނޫނުގެ 54 ވަނަ މާއްދާއާ ޚިލާފު ކަމެއްކަމަށް ކަނޑައަޅައި، 14 ދުވަހުގެ ތެރޭގައި ފައިސާ އަނބުރާ ދިނުމަށް ސިވިލް ސަރވިސް ކޮމިޝަނަށް އަމުރުކުރިއެވެ.

ސިވިލް ސަރވިސްގެ މުވައްޒަފަކު 2015 ވަނަ އަހަރު ސަލާމުގެ ޗުއްޓީގައި ހުރި 5 ދުވަހަށް ސަރވިސް އެލަވަންސުން 250 ރުފިޔާ އުނިކުރުމުން، އެފައިސާ އަނބުރާ ހޯދުމަށް ވަޒީފާއާބެހޭ ޓްރައިބިއުނަލަށް މައްސަލަ ހުށަހެޅިއެވެ.

އެޓަރނީ ޖެނެރަލްގެ އޮފީހުން ބުނީ ފައިސާ އަނބުރާ ދިނުމަށް އެންގުމަކީ ޤާނޫނުއަސާސީގެ 144(ނ) އާއި 2011/SC-C/24 ގެ އުޞޫލާ ޚިލާފު ކަމަށެވެ.

ސަލާމުގެ ޗުއްޓީގައި ހުރި ދުވަސްތަކަށް ސަރވިސް އެލަވަންސުން ފައިސާ އުނިކުރުމަކީ ވަޒީފާއާބެހޭ ޤާނޫނުގެ 54 ވަނަ މާއްދާއާ ޚިލާފު ކަމެއްތޯއާއި، އުނިކުރި ފައިސާ އަނބުރާ ދިނުމަށް އެންގުމަކީ ޤާނޫނުއަސާސީގެ 144(ނ) އާއި 2011/SC-C/24 އާ ޚިލާފު ކަމެއްތޯ.

އިސްތިއުނާފު ބާޠިލް، ޓްރައިބިއުނަލްގެ ނިންމުން ޤާއިމް

ސަރވިސް އެލަވަންސަކީ އުޖޫރައިގެ ބައެއްކަމާއި، 54(ށ) ގައި ސަލާމުގެ ޗުއްޓީއަކީ އުނިކުރެވޭނެ ޙާލަތެއްކަމަށް ބުނެފައި ނުވާކަމާއި، ޤާނޫނުން ލިބޭ ޙައްޤު އުނިކުރާ ޤަވާޢިދުގެ މާއްދާ ބާޠިލު ކަމުން، ޙައްޤު އުޖޫރަ އަނބުރާ ދިނުމަށް އެންގުމަކީ ޤާނޫނުއަސާސީއާ ޚިލާފު ކަމެއް ނޫނެވެ.