2016/HC-A/19

ވަޒީފާއާބެހޭ ޓްރައިބިއުނަލުން ތަފާތުކުރުމެއް ނުކުރާކަމާއި މައުޟޫޢީ އަދި އިޖްރާއީ ޢަދުލުވެރިކަން ފުރިހަމަކުރިކަން ސާބިތުނުވާތީ ވަކިކުރީ ވަޒީފާއާބެހޭ ޤާނޫނާ ޚިލާފަށް ކަމަށް ކަނޑައަޅައި، ވަޒީފާ އަނބުރާ ދިނުމަށާއި ވަކިކުރި ދުވަހުން ފެށިގެން މުސާރައާއި ޢިނާޔަތްތައް ދިނުމަށް އަމުރުކުރިއެވެ.

ޓްރެއިންޑް ޓީޗަރެއް ދިރިއުޅޭ ގެ ފުލުހުން ބަލައި ފާސްކުރުމުން ގޭގައި ހުރި ބޫޓެއްގެ ތެރެއިން މަސްތުވާތަކެތި ކަމަށް ޝައްކުކުރެވޭ ޕެކެޓްތަކެއް ފެނި ހައްޔަރުކުރުމާ ގުޅިގެން، ސިވިލް ސަރވިސް ކޮމިޝަނުން ގަވާއިދު 2010 ގެ 215 (ނ) (11) އާއި 214 އާއި ސިވިލް ސަރވިސް ޤާނޫނުގެ 47 (ނ) (3) ގެ ދަށުން އޭނާ ވަޒީފާއިން ވަކިކުރިއެވެ. އޭނާ ތުހުމަތަށް އިންކާރުކުރިއެވެ.

ދައުލަތުން ބުނީ ޓްރައިބިއުނަލުން ގަވާއިދުގެ 216 (ށ)، 215 (ނ) (11) އަދި 225 ވަނަ މާއްދާއަށް ރިޢާޔަތް ނުކުރާ ކަމަށާއި، ކުޑަކުދިންނަށް ރައްކާތެރިކަން ފޯރުކޮށްދޭން ޖެހޭ ވަޒީފާއެއް ކަމުން ސިވިލް ސަރވިސް ޤާނޫނުގެ 47 (ނ) (3) އަށް ރިޢާޔަތް ނުކޮށް ވަޒީފާ އަނބުރާ ދިނުމަށް އަމުރުކުރި ކަމަށެވެ.

މަސްތުވާތަކެތީގެ މައްސަލައެއްގައި ހައްޔަރުކުރުމާ ގުޅިގެން ސިވިލް ސަރވިސް ގަވާއިދު 2010 ގެ 215 (ނ) (11) ގެ ދަށުން މުވައްޒަފަކު ވަޒީފާއިން ވަކިކުރީ އެކަށީގެންވާ ސަބަބަކާއި މައުޟޫޢީ އަދި އިޖްރާއީ ޢަދުލުވެރިކަމާއެކުތޯ.

އިސްތިއުނާފު ބާޠިލް، ޓްރައިބިއުނަލްގެ ނިންމުން ޤާއިމް

ވަކިކުރެވޭނީ އެކަށީގެންވާ ސަބަބަކާއި ޢަދުލުވެރިކަމާއެކު ކަމަށާއި، ސާބިތުކުރުމުގެ ބުރަ ވަޒީފާދޭ ފަރާތުގެ މައްޗަށް ކަމަށާއި، މަސްތުވާތަކެއްޗާ މުވައްޒަފާ ގުޅުވާ ހެއްކާއި ޤަރީނާ ކޮމިޝަނުން ބަލާފައިނުވާކަމަށާއި، ފުލުހުން ޕްރޮސިކިއުޓަރ ޖެނެރަލްއަށް ފޮނުވިކަމަށް ބުނި ނަމަވެސް އެއޮފީހުގައި އެފަދަ މައްސަލައެއް ނެތްކަމަށް އަންގާފައިވާތީ ވަކިކުރީ އެކަށީގެންވާ ސަބަބަކާ ނުލައި ކަމަށް ކަނޑައެޅިއެވެ.