2016/HC-A/138

ހއ. ދަނބިދޫ މެޖިސްޓްރޭޓް ކޯޓުން ދޯނި މަރާމާތުކޮށް ގަތް ފަރާތާ ޙަވާލުކުރުމަށާއި، ގަތް ފަރާތުން ބާކީ 130،000 ރުފިޔާ ދެއްކުމަށް ޙުކުމްކޮށް، ގެއްލުމުގެ ބަދަލުގެ ދަޢުވާ ބަލައިނުގަތެވެ.

މަސްދޯންޏެއް ވިއްކުމަށް ދެފަރާތުގެ މެދުގައި 2007 އާއި 2008 ގައި އެއްބަސްވުންތައް ވެ، ގަތް ފަރާތުން އަގުގެ ބައެއް ދެއްކުމަށްފަހު، ވިއްކި ފަރާތުން ގަތް ފަރާތުގެ ހުއްދައެއް ނެތި ދޯނި ގެންގޮސް ބަދަލުތައް ގެނެސްފައިވެއެވެ.

އިސްތިއުނާފުކުރި ފަރާތުން ބުނީ ކޮންޓްރެކްޓާބެހޭ ޤާނޫނުގެ 20 އާއި 16 ވަނަ މާއްދާއާއި ހެއްކާބެހޭ ޤާނޫނުގެ 20 ވަނަ މާއްދާއާ ޚިލާފަށް ޙުކުމްކުރި ކަމަށާއި، ދޯނި ގެންދިޔައީ ގަތް ފަރާތުގެ ރުހުމުގައި ކަމަށާއި، އަގު ނުދައްކާ ކަމަށެވެ.

ދޯނި ވިއްކުމުގެ އެއްބަސްވުމާ ޚިލާފަށް ވިއްކި ފަރާތުން ދޯނި ގެންދިޔުމާ ގުޅިގެން، ދޯނި އަނބުރާ ޙަވާލުކުރުމަށާއި ބާކީ އަގު ދެއްކުމަށް ދަށު ކޯޓުން ކުރި ޙުކުމަކީ ކޮންޓްރެކްޓާބެހޭ ޤާނޫނާއި ހެއްކާބެހޭ ޤާނޫނާ ޚިލާފު ޙުކުމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

އެއްބަސްވުމުގެ ޝަރުޠުތަކުން ވިޔަފާރި ނިމިފައިވާކަމާއި، ކިތާބީ ހެކިތަކުން އަގު ދައްކަމުން ގެންދިޔަކަން އެނގޭއިރު އެނޫން ގޮތަކަށް ސާބިތުކުރާނެ ކާފީ ހެކި ނެތުމުން، ޙުކުމަށް ބަދަލު ގެންނަންޖެހޭ ސަބަބެއް ނެތްކަމަށް ކޯޓު ކަނޑައެޅިއެވެ.