އަޙްމަދު އާޠިފް ވ. ޙުސައިން ޙިލްމީ

އެ އެއްބަސްވުމުގެ ދަށުން ދައްކަންޖެހޭ ޖުމްލަ ފައިސާއަށް ވުރެ އިތުރަށް ފައިސާ ލިބިފައިވާކަން ސިވިލް ކޯޓުގެ 2016/Cv-C/1675 ގައި ކަނޑައަޅާފައިވާތީ، ފައިސާ ނަގައިނުދެވޭނެކަމަށް ސިވިލް ކޯޓުން ޙުކުމްކުރި.

ކުންފުންޏެއްގެ ހުރިހާ ހިއްސާއެއް އިސްތިއުނާފު ރައްދުވި ފަރާތަށް ވިއްކުމުގެ މުޢާމަލާތާ ގުޅިގެން 2013، 2014 އަދި 2016 ގައި އެކި އެއްބަސްވުންތައް ވެފައިވާއިރު، 5 ނޮވެމްބަރު 2014 އާއި 16 ފެބުރުވަރީ 2016 ގެ އެއްބަސްވުމުގެ ދަށުން ނުދީވާ ކަމަށް ބުނާ 195,000 ޑޮލަރާއި ގެއްލުމުގެ ބަދަލު ހޯދުމަށް ދަޢުވާކުރި.

ފައިސާ ދައްކާ ޚަލާޞްކޮށްފައިވާކަން ދަޢުވާ ރައްދުވި ފަރާތުން ސާބިތުނުކޮށް ހުރެ ފައިސާ ނަގައިނުދިނުމަކީ ޤާނޫނުއަސާސީގެ 42 ވަނަ މާއްދާގެ (ށ) އާ ޚިލާފު ކަމަށް އިސްތިއުނާފުކުރި ފަރާތުން ބުންޏެވެ.

ކުންފުނީގެ ހިއްސާ ވިއްކުމާ ގުޅޭ ގޮތުން ވެފައިވާ 5 ނޮވެމްބަރު 2014 އާއި 16 ފެބުރުވަރީ 2016 ގެ އެއްބަސްވުންތަކުގެ ދަށުން ނުދީވާ ކަމަށް ބުނާ 195,000 ޑޮލަރު ނަގައިނުދިނުމަކީ ސާބިތުކުރުމުގެ ބުރައާއި ކުރިން ނިމިފައިވާ ޤަޟިއްޔާއަކާ ގުޅިގެން ޞައްޙަ ނިންމުމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ސާބިތުކުރުމުގެ ބުރަ އޮތީ ދަޢުވާކުރާ ފަރާތުގެ މައްޗަށް ކަމާއި، ކާފީ ހެކި ނުދައްކާކަމާއި، އިތުރަށް ފައިސާ ދައްކާފައިވާކަން 2016/Cv-C/1675 ގައި ކަނޑައަޅައި 2017/HC-A/392 ގައި ތާއީދުކޮށްފައިވާތީ ޙުކުމް ބަދަލުކުރާކަށް ނުޖެހޭކަމަށް ހައިކޯޓުން ކަނޑައެޅި.