2015/HC-A/375

ސިވިލް ކޯޓުން، ޕްރޮމޯޓްކުރުމުގެ ދަފްޢާއި ދެ ޝަޚްޞެއްކަމުގެ ދަފްޢު ސާބިތުނުވާކަމަށް ބަލައި، 25,703.25 ރުފިޔާ އެއް މަހުގެ ތެރޭގައި ދެއްކުމަށް ޙުކުމްކުރެއްވިއެވެ.

ޕާޗޭސް އޯޑަރެއްގެ ދަށުން (މުދާ ލިބޭތާ 30 ދުވަހުގެ ތެރޭގައި ފައިސާ ދައްކާނެކަމަށް ސޮއިކޮށް) ވިއްކި މުދަލުގެ އަގުން ބާކީ 25,703.25 ރުފިޔާ ހޯދުމަށް މިޔާމީ އެންޓަރޕްރައިސަސް ޕްރައިވެޓް ލިމިޓެޑުން ދަޢުވާކުރިއެވެ. އިންވޮއިސްތައް ދޫކޮށްފައިވަނީ 'މިޔާމީ ޓްރޭޑަރސް' ގެ ނަމުގައެވެ.

އިސްތިއުނާފުކުރި ފަރާތުން ބުނީ، 'البينة على المدعي واليمين على من أنكر' ގެ ޝަރުޢީ އުޞޫލާ ޚިލާފަށް، އަދި ފަނޑިޔާރުންގެ ޤާނޫނުގެ 5 ވަނަ މާއްދާއާ ޚިލާފަށް މަތީ ކޯޓުތަކުގެ ނިންމުންތައް ރަނގަޅުނޫން ގޮތަކަށް ތަޠުބީޤުކޮށް މައްސަލަ ނިންމާފައިވާކަމަށެވެ.

ވިއްކި މުދަލުގެ ބާކީ އަގު ހޯދުމަށް ކުރި ދަޢުވާގައި، މުދާ ލިބުނުކަން އިންކާރުނުކޮށް އެއީ ޕްރޮމޯޓްކުރުމަށް ފޮނުވި މުދާކަމަށް ބުނާ ދަފްޢު ސާބިތުކުރުމުގެ ބުރަ އުފުލަންޖެހޭނީ ކާކު ކަމާއި، ކުންފުނީގެ ވިޔަފާރި ނަމެއްގައި ދޫކުރި އިންވޮއިސްއާ ގުޅިގެން ކުންފުންޏަށް ދަޢުވާކުރެވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

މުދާ ލިބުނުކަމާއި އަގު ނުދައްކާކަން އިންކާރުނުކުރާތީ ޕްރޮމޯޓްކުރުމުގެ ވާހަކައަކީ ދަފްޢެއްކަމުން، އެ ބުރަ އޮތީ އިސްތިއުނާފުކުރި ފަރާތުގެ މައްޗަށެވެ؛ އެކަން ސާބިތުނުކުރެވުނެވެ. މިޔާމީ ޓްރޭޑަރސް އަކީ ކުންފުނީގެ ވިޔަފާރި ނަމެއްކަމުން ދެ ޝަޚްޞެއްކަން ސާބިތުކުރުން ލާޒިމެއް ނޫނެވެ.