2015/HC-A/347

ވަޒީފާއާބެހޭ ޓްރައިބިއުނަލުން ވަކިކުރުމަކީ ވަޒީފާއާބެހޭ ޤާނޫނުގެ 23 ވަނަ މާއްދާއާ ޚިލާފަށް އަދި އިޖުރާއީ ޢަދުލުވެރިކަން ޤާއިމުނުކޮށް ކުރި ކަމެއްކަމަށް ކަނޑައަޅައި 29(ރ) ގެ ދަށުން ބަދަލު ދިނުމަށް ނިންމި ނަމަވެސް، މުވައްޒަފުންގެ އިހުމާލުވުން އޮތުމުން ވަޒީފާއަށް ރުޖޫޢަ ނުކުރުމަށް ނިންމިއެވެ.

ރިސޯޓެއްގައި ހުއްދަނެތި ބޭއްވި އެއްވުމަކާ ގުޅިގެން ތިން މުވައްޒަފަކު ވަޒީފާއިން ވަކިކުރިއެވެ.

މުވައްޒަފުން ބުނީ އެކަށީގެންވާ ސަބަބެއްނެތި ވަކިކޮށްފިނަމަ ވަޒީފާއަށް ރުޖޫޢަކުރުމަކީ ހައިކޯޓުގެ ނިންމުންތަކުން އިސްތިޤްރާރުވެފައިވާ ކަމެއްކަމަށެވެ.

ވަޒީފާއިން ވަކިކުރުން ޤާނޫނާ ޚިލާފުކަމަށް ކަނޑައަޅައި ވަޒީފާއަށް ރުޖޫޢަ ނުކުރުމަށް ޓްރައިބިއުނަލުން ނިންމި ނިންމުމާމެދު މުވައްޒަފުން ކުރި އިސްތިއުނާފުގައި، އެ ނިންމުމާމެދު ކުންފުނިން ކުރި އިސްތިއުނާފުގައި ހައިކޯޓުން ކުރިން ވަކިކުރުން ޢަދުލުވެރިކަމާއެކު ކުރި ކަމަށް ކަނޑައަޅާފައިވާއިރު، އިތުރު ނިންމުމެއް ނިންމަންޖެހޭތޯ.

އިސްތިއުނާފު ބާޠިލް؛ އިތުރު ގޮތެއް ކަނޑައަޅާނެ ތަނެއް ނެތް

ކުންފުނިން ހުށަހެޅި 2015/HC-A/321 ގައި ހައިކޯޓުން ވަކިކުރުން މައުޟޫޢީ އަދި އިޖުރާއީ ޢަދުލުވެރިކަން ޤާއިމްކޮށްފައިވާކަމަށް ކަނޑައަޅާފައިވާތީ، މި އިސްތިއުނާފުގައި އިތުރު ގޮތެއް ނިންމާނެ ތަނެއް ނެތެވެ.