2015/HC-A/107

ސިވިލް ކޯޓުން މުދާ ދޫކުރިކަމާއި ޗެކް ބައުންސްވިކަން މަދަނީ މިންގަނޑުން ސާބިތުވާކަމަށް ކަނޑައަޅައި، 171,508 ރުފިޔާ ދައްކަން ޙުކުމްކުރިއެވެ.

އިސްތިއުނާފުކުރި ކުންފުނީގެ ސިޓީއަކާއި ޗެކަކާއެކު މިފްކޯ ފިހާރައިން 200 ކޭސް ދަޅުމަސް ދޫކުރުމަށްފަހު، 171,508 ރުފިޔާގެ ޗެކް ބައުންސްވިއެވެ.

އިސްތިއުނާފުކުރި ފަރާތުން ބުނީ ލިޔުންތައް މަދަނީ މިންގަނޑުން ބަލާފައި ނުވާކަމަށާއި، ޗެކުގެ ޞައްޙަކަން ކަށަވަރުކޮށްފައި ނުވާކަމަށާއި، ހެކިބަހުގައި ބޮޑެތި ތަފާތުތައް ހުރިކަމަށެވެ.

ބައުންސްވި ޗެކެއްގެ ފައިސާ ހޯދުމުގެ މައްސަލައެއްގައި، މުދާ ދޫކުރިކަމާއި ޗެކް ދިންކަން ހެކިބަހާއި ލިޔުންތަކުން މަދަނީ މިންގަނޑުން ސާބިތުވާކަމަށް ދަށުކޯޓުން ކަނޑައެޅުން ރަނގަޅުތޯއާއި، ދަޢުވާކުރާ ފަރާތުގެ މުވައްޒަފުންގެ ހެކިބަސް ބަލާނެ ގޮތް.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ހެކިންގެ ހެކިބަހަށް ޖުމްލަ ގޮތެއްގައި ބަލާއިރު ސިޓީއާއި ޗެކް ނަގައި މަސް ދޫކުރިކަން އެނގެއެވެ. މުވައްޒަފުންގެ ހެކިބަސް ބަލާފައިވަނީ ޤަރީނާއެއްގެ ގޮތުގައެވެ. ސިޓީއަށް އިންކާރު ނުކުރާތީއާއި ސޭލްސް ރިޕޯޓުން މުދާ ދޫކުރިކަން އެނގޭތީ، ދަށުކޯޓުގެ ނިންމުން ރަނގަޅެވެ.