2013/HC-A/33

އަގުމަގުކޮށް އުނިއިތުރު ހަމަޖައްސައިގެން ފިރިހެނަކަށް ދެބައި އަންހެނަކަށް އެއްބައި ލިބޭގޮތަށް ތަރިކަ ބަހައި، ބިން ވާރިޘުންނަށް ބައިކޮށް، އިތުރަށް ނެގި ފަރާތްތަކުން ފައިސާ ދައްކަން ކަނޑައަޅާފައިވެއެވެ.

ނިޔާވި މީހެއްގެ ތަރިކަ ވާރިޘުންގެ މެދުގައި ބަހައިދިނުމަށް ވާރިޘަކު މެޖިސްޓްރޭޓް ކޯޓަށް ހުށަހެޅި މައްސަލައެކެވެ. ތަރިކައިގައި ބަންޑާރަ ގޯތްޗާއި ޢިމާރާތްތަކާއި އުފުލޭ މުދާ ހިމެނެއެވެ.

އިސްތިއުނާފުކުރި ފަރާތުން ބުނީ، ޢިމާރާތުން މަގުކަނޑާ އަގުކުރުމުން ފުރިހަމަ އަގު ނާރާކަމަށާއި، ސޮއިނުކޮށް އޮތް ބަޔާންތަކަށް ބަލައި މައްސަލަ ނިންމާފައިވާކަމަށާއި، އުފުލޭ މުދާ ތަރުތީބެއްނެތި ބަހާފައިވާކަމަށެވެ.

ސޮއިނުކޮށް އޮތް ބަޔާންތަކަށް ރިޢާޔަތްކޮށް ތަރިކަ ބެހުމުގެ މައްސަލަ ނިންމުމަކީ ޚިލާފެއްތޯ، އަދި ތަރިކަ މުދާ އަގުކުރުމާއި އުފުލޭ މުދާ ބެހުމުގައި ޝަރުޢީ ނުވަތަ ޤާނޫނީ އުޞޫލަކާ ޚިލާފުވެފައިވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ސޮއިނުކުރި ބަޔާންތަކަށް ދެ ހެކިން ސޮއިކޮށްފައިވާތީ އެ ބަޔާންތަކަށް ރިޢާޔަތްކުރެވޭނެކަމަށާއި، އުފުލޭ މުދާ ބަހާފައިވަނީ ވާރިޘުން އެއްބަސްވި ގޮތަށްކަމަށާއި، ގޯތި ބަހާފައިވަނީ ގުރުއަތުލައިގެންކަމަށާއި، އަގުކުރީ އަގު ކޮމިޓީއަކުން ތަކެތީގެ ޙާލަތަށް ބަލައިކަމަށް ކޯޓުން ކަނޑައަޅާފައިވެއެވެ.