އެޓަރނީ ޖެނެރަލްގެ އޮފީސް ވ. ނެތް

މެޖިސްޓްރޭޓް ކޯޓުން، 1 މަސް ދުވަހުގެ ތެރޭގައި ބިން ހުސްކޮށް ކައުންސިލާ ޙަވާލުކޮށްދިނުމަށް މޯލްޑިވްސް ޕޮލިސް ސަރވިސްއަށް އަންގައި އަމުރު ނެރުނެވެ.

ސްލިޕްވޭއަކަށް ދިން ބިން ހުސްކޮށް ކައުންސިލާ ޙަވާލުކުރުމަށް މެޖިސްޓްރޭޓް ކޯޓުން ކުރި ޙުކުމަށް ހައިކޯޓުން ތާއީދުކުރި ނަމަވެސް ކުންފުނިން އެޙުކުމަށް ޢަމަލުނުކުރުމުން، ޙުކުމް ތަންފީޛުކުރުމަށް ކައުންސިލުން މެޖިސްޓްރޭޓް ކޯޓަށް ހުށަހެޅިއެވެ.

އެޓަރނީ ޖެނެރަލްގެ އޮފީހުން ބުނީ އަމުރު ނެރުނީ ޝަރީޢަތްކުރުމުގެ އިޖުރާއަތާ ޚިލާފަށް، ސުޕްރީމް ކޯޓުގެ ރޫލިންގގައިވާ ދެބަސްވުމަށް ނިމުމެއް ގެނެވޭ ގޮތަކަށް އަމުރު ނެރުމުގެ އުޞޫލާ ޚިލާފަށް، ތަންފީޛުކުރުމަށް ޤާނޫނީ ހުރަސްތައް ހުރިއިރު، އަދި ޤާނޫނުއަސާސީގެ 42 ވަނަ މާއްދާއާއި 244 ވަނަ މާއްދާއާއި ފުލުހުންގެ ޤާނޫނުގެ މަޤްޞަދާ ޚިލާފަށް ކަމަށެވެ.

ޙުކުމެއް ތަންފީޛުކުރުމަށް ކައުންސިލުން ހުށަހެޅި މައްސަލައެއްގައި، ދަޢުވާލިބޭ ފަރާތުގެ ބަހެއް ނުހޯދައި، ބިން ހުސްކޮށް ކައުންސިލާ ޙަވާލުކުރުމަށް ފުލުހުންނަށް އަންގައި މެޖިސްޓްރޭޓް ކޯޓުން ނެރުނު އަމުރަކީ ޝަރުޢީ އަދި ޤާނޫނީ ހަމަތަކާ އެއްގޮތަށް ނެރުނު އަމުރެއްތޯ.

ދަށުކޯޓުގެ އަމުރު ބާޠިލު

ޙުކުމް ތަންފީޛުކުރުމަކީ ދަޢުވާ ރައްދުވާ ފަރާތުން ކުރަންޖެހޭ ކަމަކަށްވާތީ ފުލުހުންނަށް އެންގުމުގެ ކުރިން އެފަރާތުގެ ބަސް ހޯދަންޖެހޭއިރު، ބަސް ނުހޯދައި ނެރުނު އަމުރަކީ ތަންފީޛުކުރުމުގެ މައްސަލަތަކުގައި ޢަމަލުކުރަންޖެހޭ ގޮތާ ޚިލާފު އަމުރެކެވެ.