އެޓަރނީ ޖެނެރަލްގެ އޮފީސް ވ. އިސްމާޢީލް ޢަބްދުލްޙަމީދު

ސިވިލް ކޯޓުން ކަނޑައެޅީ އެ ފައިސާ ދައުލަތަށް ނަގައިދޭނެ ޝަރުޢީ އަދި ޤާނޫނީ ހަމައެއް ނެތްކަމަށެވެ.

މާލޭ މުނިސިޕަލްޓީގެ ވޭސްޓް މެނޭޖްމަންޓް ސެކްޝަންގެ ޑިރެކްޓަރ ޖެނެރަލް، ލޭންޑިންގ ކްރާފްޓް "އުފުލި 5" ލިބުމުގެ ކުރިން ޕްރޮޓޮކޯލް އޮފް ޑެލިވަރީ އެންޑް އެކްސެޕްޓެންސްގައި ސޮއިކޮށް މަޤާމުގެ ބޭނުން ނަހަމަގޮތުގައި ހިފިކަން ސުޕްރީމް ކޯޓުން ސާބިތުކުރިއެވެ. ދައުލަތުން އުޅަނދުގެ މުޅި އަގު US$643,750 ބަދަލުގެ ގޮތުގައި ހޯދަން ދަޢުވާކުރިއެވެ.

ދައުލަތުން ބުނީ ސުޕްރީމް ކޯޓުން ވޮރަންޓީގެ ޙައްޤު ގެއްލުނުކަމަށް ކަނޑައެޅި ނުކުތާއަށް ރިޢާޔަތްނުކޮށް، އަދި ސުޕްރީމް ކޯޓުގެ ބަދަލު ހޯދުމުގެ އުޞޫލާ ޚިލާފަށް ދަށުކޯޓުން ނިންމި ކަމަށެވެ.

މަޤާމުގެ ބޭނުން ނަހަމަގޮތުގައި ހިފިކަން ސުޕްރީމް ކޯޓުން ސާބިތުކޮށްފައިވާ ސަރުކާރު މުވައްޒަފެއްގެ ކިބައިން، އުޅަނދެއްގެ މުޅި އަގު ގެއްލުމުގެ ބަދަލުގެ ގޮތުގައި ދައުލަތަށް ނަގައިދޭންޖެހޭތޯ؛ އަދި ތަޤްޞީރީ މަސްއޫލިއްޔަތުގެ ރުކުންތައް ސާބިތުވެފައިވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދައުލަތުން ސާބިތުކޮށްފައިވަނީ ހަމައެކަނި ޚަޠައު ހިނގިކަމެވެ. ޢައިބުތަކަކީ ބަނުމުގެ އުނިކަމެއް ނޫންކަން އެކްސްޕާޓާއި އެއްބަސްވުމުން ފެންނާތީ ވޮރަންޓީގެ ފުރުޞަތު ލިބުނަސް އުޅަނދު ބަދަލުކުރެވޭނެ ނުވާތީ، ސަބަބީ ގުޅުމާއި ދަޢުވާކުރި މިންވަރުގެ ގެއްލުން ސާބިތެއް ނުވެއެވެ.