އަންވަރު ޙުސައިން ވ. މަރްޔަމް ޝަފަޤަތު

ވިލިނގިލި މެޖިސްޓްރޭޓް ކޯޓުން، ޙަޟާނަތުގެ އިސްކަން މަންމައަށް ލިބޭތީއާއި ޙަޟާނަތު ގެއްލޭ ކަމެއް ސާބިތުނުވާތީ، 7 ދުވަހުގެ ތެރޭގައި ކުއްޖާ މަންމައާ ޙަވާލުކުރުމަށް ބައްޕައަށް އަމުރުކުރިއެވެ.

ވަރިވެފައިވާ މައިންބަފައިންގެ ދެއަހަރުގެ ކުއްޖާގެ ޙަޟާނަތަށް މަންމަ ދަޢުވާކުރިއެވެ؛ ބައްޕަ ބުނީ މަންމައަކީ ރިސޯޓެއްގައި ވަޒީފާ އަދާކުރާ މީހެއްކަމަށާއި މަންމަގެ ގޭގެ މާޙައުލު ކުއްޖާއަށް އެކަށީގެންނުވާ ކަމަށެވެ.

ބައްޕަގެ ފަރާތުން ބުނީ ޢާއިލާއާބެހޭ ޤާނޫނުގެ 41 (ނ)، 42 (ބ) އަދި 40 (ބ) އާ ޚިލާފަށް ކުއްޖާގެ މަޞްލަޙަތު ނުބަލައި ނިންމި ކަމަށެވެ؛ މަންމަ ބުނީ ވަޒީފާއަށް ދަނީ ޖެހިގެން އޮންނަ ރަށަށްކަމަށާއި ކޮންމެ ދުވަހަކު ރަށަށް އެނބުރި އަންނަ ކަމަށާއި ކުއްޖާ ބަލައިދެނީ އޭނާގެ މަންމަ ކަމަށެވެ.

ކުއްޖާގެ ޙަޟާނަތު މަންމައާ ޙަވާލުކުރުމަށް މެޖިސްޓްރޭޓް ކޯޓުން ކުރި ޙުކުމް، ޢާއިލާއާބެހޭ ޤާނޫނުގެ 41 ވަނަ މާއްދާގެ (ނ)، 42 ވަނަ މާއްދާގެ (ބ) އަދި 40 ވަނަ މާއްދާގެ (ބ) ގައިވާ ޝަރުޠުތަކާއި ކުއްޖާގެ މަޞްލަޙަތަށް ރިޢާޔަތްކުރުމުގެ އުޞޫލާ ޚިލާފުވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް (އަޣްލަބިއްޔަތުން)

އަޣްލަބިއްޔަތު ރައުޔުގައި، މަންމައަކީ އިސްކަން ލިބޭ ފަރާތްކަމާއި، ތުއްތު ކުއްޖާ އުފަންވީއްސުރެ މަންމަ ކައިރީ އުޅުނުކަމާއި، ބައްޕަ ކުރި ތުހުމަތުތައް ދަށުކޯޓަށް ސާބިތުކޮށްދީފައި ނުވާކަމާއި، ވަޒީފާއަށް ދިއުމަކީ ޙަޟާނަތު ގެއްލޭނެ ސަބަބެއް ނޫންކަން ފާހަގަކުރެވުނެވެ.