އާމިނަތު ނަޞްރާ ވ. ބިބީ މޯލްޑިވްސް ޕވޓ ލޓޑ

ދިއްފުށީ މެޖިސްޓްރޭޓް ކޯޓުން A/21-SC/2012 ގެ ތިން ޝަރުޠަށް ރިޢާޔަތްކޮށް، މައްސަލަ ނިމެންދެން އެއްބަސްވުމުގައިވާ ޙައްޤެއް އެހެން ފަރާތަކަށް ހިބައަކުން ނުވަތަ ވިއްކުމަކުން ނުވަތަ ދިނުމަކުން މިލްކުވެރިކަން ބަދަލުނުކުރުމަށް ވަގުތީ އަމުރު ނެރުނެވެ.

2016 ގައި ވެފައިވާ 30 އަހަރުގެ ކުލީގެ އެއްބަސްވުމެއްގެ ދަށުން ކުންފުންޏަކަށް ކުއްޔަށް ދީފައިވާ ބިމެއް، ބިންވެރިޔާ (އިސްތިއުނާފުކުރި ފަރާތް) ވިއްކާލުމަށް ނުވަތަ ކުއްޔަށް ދިނުމަށް މަސައްކަތްކުރާކަމަށް ބުނެ ކުންފުނިން ދަޢުވާކޮށް ވަގުތީ އަމުރަކަށް އެދުނެވެ.

އިސްތިއުނާފުކުރި ފަރާތުން ބުނީ، ވަގުތީ އަމުރުން މައުޟޫޢީ ޙައްޤަށް ދާއިމީ ޙިމާޔަތް ދީފައިވާތީ ޝަރީޢަތްކުރުމުގެ ޤަވާއިދާއި A/21-SC/2012 އާ ޚިލާފުކަމަށާއި، ވަކީލަކު ހޯދުމަށް އަޑުއެހުން ފަސްކުރަން އެދުނު ނަމަވެސް އަޑުއެހުން ބާއްވައި އަމުރު ނެރުމަކީ ޤާނޫނުއަސާސީގެ 53 (ހ) އާ ޚިލާފުކަމަށެވެ.

ކުލީގެ ދިގުމުއްދަތުގެ އެއްބަސްވުމެއްގެ ދަށުން ކުއްޔަށް ހިފި ބިމެއް ބިންވެރިޔާ ވިއްކައިގެން ނުވަތަ ހިބައިން މިލްކުވެރިކަން ބަދަލުނުކުރުމަށް މެޖިސްޓްރޭޓް ކޯޓުން ނެރުނު ވަގުތީ އަމުރު، 2012/SC-A/21 ގެ ޝަރުޠުތަކާ އެއްގޮތްތޯ؛ އަދި ވަކީލަކު ހޯދުމުގެ ފުރުޞަތު ނުދީ އަމުރު ނެރުމަކީ ޤާނޫނުއަސާސީގެ 53 (ހ) އާ ޚިލާފު ކަމެއްތޯ.

އިސްތިއުނާފު ބާޠިލު، ދަށުކޯޓުގެ ވަގުތީ އަމުރު ޤާއިމް

ދިގުމުއްދަތުގެ ކުލީގެ އެއްބަސްވުމަކުން fumus boni juris ފާޅުވާކަމާއި، ބިން ވިއްކުމަށް އިޢުލާނުކުރިކަމުގެ ދަލީލާއި ކުރިން ހިނގި މައްސަލައިން periculum in mora ސާބިތުވާކަމާއި، ކުންފުންޏަށް ޞިފަތު ލިބިގެންވާކަމާއި، ވަގުތީ އަމުރަކީ މުރާޖަޢާކުރުމުގެ ފުރުޞަތު އޮތް އަމުރަކަށްވާތީ ވަކީލު ހޯދުމުގެ މުއްދަތު ކުރުކަމުން އަމުރު ބާޠިލު ނުކުރެވޭކަމެވެ.