އާމިނަތު ނަޝްއާ އާދިލް ވ. މޯލްޑިވްސް ޕޮލިސް ސަރވިސް

ކްރިމިނަލް ކޯޓުން ނިންމީ ބަންދަކީ އިމިގްރޭޝަނުގެ ޤާނޫނާއި ޖަލުތަކާއި ޕެރޯލްގެ ޤާނޫނުގެ ދަށުން ކުރެވިފައިވާ އިދާރީ ފިޔަވަޅެއް ކަމަށާއި، އިމިގްރޭޝަނުން ޢަމަލުކުރި ގޮތާ ބެހޭ ނުކުތާތަކަކީ އެކޯޓަށް ބެލުމުގެ އިޚްތިޞާޞް ލިބޭ ކަންކަމެއް ނޫންކަމަށާއި، ބަންދުން ދޫކުރުމަށް އަމުރުކުރާނެ ޤާނޫނީ ހަމައެއް ނެތްކަމަށެވެ.

ޖިނާއީ ތުހުމަތެއްގައި ބަންދުކުރެވުނު ބަންގްލަދޭޝްގެ ރައްޔިތުންގެ ބަންދުގެ މުއްދަތު ހަމަވުމުން ފުލުހުން އެމީހުން އިމިގްރޭޝަނާ ޙަވާލުކޮށް، ހުޅުމާލެ ޑިޓެންޝަން ސެންޓަރުގައި ބަންދުކުރުމުން، އެ ބަންދަކީ ޤާނޫނާ ޚިލާފު ބަންދެއްކަމަށް ބުނެ އެމީހުންގެ ބަދަލުގައި ދިވެހި ރައްޔިތުންތަކެއް ކްރިމިނަލް ކޯޓުގައި ހޭބިއަސް ކޯޕަސް ރިޓަކަށް އެދުނެވެ.

އިސްތިއުނާފުކުރި ފަރާތްތަކުން ބުނީ ޤާނޫނުއަސާސީގެ ޙައްޤުތަކާއި ބައިނަލްއަޤުވާމީ މުޢާހަދާތަކަށް ރިޢާޔަތްނުކޮށް، އިޚްތިޞާޞް ނެތްކަމަށް ބުނެ މައުޟޫޢަށް ގޮތެއް ނިންމާފައިވާ ކަމަށެވެ. ދައުލަތުން ބުނީ ހޭބިއަސް ކޯޕަސް މައްސަލައެއްގައި ދައުލަތް ތަމްސީލުކުރަންވާނީ ޕްރޮސިކިއުޓަރ ޖެނެރަލް ކަމަށާއި ބަންޑާރަނައިބު ނޫންކަމަށެވެ.

ޞައްޙަ ވިސާއެއް ނެތުމުން ފުރުވާލެވެންދެން އިމިގްރޭޝަނުގެ ބެލުމުގެ ދަށުގައި ޑިޓެންޝަން ސެންޓަރެއްގައި ބަންދުކުރެވިފައިވާ ބިދޭސީންގެ ބަންދުގެ ޤާނޫނީ ޞައްޙަކަމާ ބެހޭ މައްސަލައަކީ ކްރިމިނަލް ކޯޓަށް ހޭބިއަސް ކޯޕަސްގެ ގޮތުގައި ބެލޭނެ މައްސަލައެއްތޯ، އަދި ކްރިމިނަލް ކޯޓުން އެ މައްސަލައިގެ މައުޟޫޢަށް ގޮތެއް ނިންމުން ޞައްޙަތޯ.

ދަށުކޯޓުގެ ނިންމުން ބާޠިލު (އިޚްތިޞާޞް ނެތްކަމަށް ކަނޑައެޅި ބައި ފިޔަވައި)

ބަންދަކީ އިދާރީ ބަންދެއް ކަމަށާއި، ދަޢުވާގެ ސުވާލަކީ އިދާރީ އިޖުރާއަތުގެ ޞައްޙަކަމާ ބެހޭ މަދަނީ ޠަބީޢަތުގެ ސުވާލެއް ކަމުން، ކްރިމިނަލް ކޯޓަށް މައުޟޫޢަށް ގޮތެއް ނިންމުމުގެ އިޚްތިޞާޞް ނެތެވެ.