އާމިނަތު ޢަލީ ވ. އެވިޑް ކޮލެޖް

ވަޒީފާއާބެހޭ ޓްރައިބިއުނަލުން ވަކިކުރީ މައުޟޫޢީ އަދި އިޖުރާއީ ޢަދުލުވެރިކަން ޤާއިމުކޮށް ކަމަށް ކަނޑައަޅައި ބަދަލުގެ އެދުން ބާޠިލުކޮށް، މުސާރައިގެ ބަޔާންތައް ދިނުމަށް އަމުރުކުރިއެވެ.

ކޮލެޖުގެ ފެކަލްޓީ އޮފް އެޑިއުކޭޝަނުގެ ޑީން، ކޮލެޖުގެ ވެއިޓިންގ އޭރިއާގައި މުވައްޒަފުންނާއި ދަރިވަރެއް ހުއްޓައި ޗެއަރމަނަށް ނިސްބަތްކޮށް ބޭއަދަބީ ބަހުން ވާހަކަދެއްކިކަމަށް ބުނެ 2017 ފެބްރުއަރީ 9 ގައި ނޯޓިސް ނުދީ ވަޒީފާއިން ވަކިކުރެވުނެވެ.

އިސްތިއުނާފުކުރި ފަރާތް ބުނީ ނޯޓިސް ނުދީ ވަކިކުރީ ހައިކޯޓުގެ 2013/HC-A/319 އާއި 2011/HC-A/134 ގައިވާ މިންގަނޑާ ޚިލާފަށް ކަމަށެވެ. ކޮލެޖުން ބުނީ އެ ޤަޟިއްޔާތައް މި މައްސަލައަށް ތަޠުބީޤުނުވާ ކަމަށެވެ.

ނޯޓިސް ނުދީ މުވައްޒަފު ވަޒީފާއިން ވަކިކުރުމުގައި މައުޟޫޢީ ޢަދުލުވެރިކަމާއި އިޖުރާއީ ޢަދުލުވެރިކަން ޤާއިމުކޮށްފައިވޭތޯ، އަދި އިޖުރާއީ ޢަދުލުވެރިކަން ޤާއިމުނުކުރުމުން ލިބޭ ބަދަލުގެ މިންވަރު.

ބައެއް ބަދަލުކުރި (އިޖުރާއީ ޢަދުލުވެރިކަން ޤާއިމުކުރި ކަމަށް ކަނޑައެޅި ބައި ބާޠިލު؛ 1 މަހުގެ މުސާރައާއި ޢިނާޔަތް ބަދަލުގެ ގޮތުގައި)

ޣައިރު ސުލޫކީ ޢަމަލު ސާބިތުވާތީ މައުޟޫޢީ ޢަދުލުވެރިކަން ޤާއިމުވެއެވެ. ނަމަވެސް މުވައްޒަފާ ދެކޮޅަށް ބަޔާން ދިން މީހަކު ތަޙްޤީޤު ރިޕޯޓު ލިޔުމުގައި ހިމެނުމުން އިޖުރާއީ ޢަދުލުވެރިކަން ޤާއިމުނުވާތީ ރަމްޒީ ބަދަލެއް ޙައްޤުވެއެވެ.