އަޙްމަދު ރިފާޢު ވ. ޕްރޮސިކިއުޓަރ ޖެނެރަލް

ކްރިމިނަލް ކޯޓުން ކެނެބިސް ޓްރެފިކްކުރުމުގެ ކުށް ސާބިތުވާ ކަމަށް ކަނޑައަޅައި، ޢުމުރަށް ޖަލަށްލުމާއެކު 100,000 ރުފިޔާގެ ޖޫރިމަނާއެއް ކުރިއެވެ.

ކޯޓު އަމުރެއްގެ ދަށުން ގެއެއް ބަލައި ފާސްކުރުމުން، ތުހުމަތުކުރެވޭ ފަރާތް ދިރިއުޅޭ ކޮޓަރީގެ އެކި ތަންތަނުން ޖުމްލަ ގާތްގަނޑަކަށް 106 ގްރާމްގެ ކެނެބިސް ފެނިއެވެ.

ތުހުމަތުކުރެވޭ ފަރާތް ބުނީ ކުށް ޝައްކެއްނެތި ސާބިތުނުވާ ކަމަށާއި، ތަކެތީގެ ޒިންމާ އެހެން މީހަކު ނަގާފައިވާ ކަމަށާއި، ޗެއިން އޮފް ކަސްޓަޑީ ފުރިހަމަނުވާ ކަމަށާއި، UNODC ގައިޑްލައިނާ އެއްގޮތަށް ތަޙުލީލުނުކުރާ ކަމަށެވެ. ދައުލަތުން ބުނީ ހެކިވެރިޔާގެ ބަސް ބުރަވެވޭނެ ބަހެއް ނޫން ކަމަށާއި، ޗެއިން އޮފް ކަސްޓަޑީގެ ސުވާލު ދަށުކޯޓުގައި ނުއުފައްދާ ކަމަށާއި، ތަކެތި މެޝިނުން ތަޙުލީލުކުރި ކަމަށެވެ.

ތުހުމަތުކުރެވޭ ފަރާތް ދިރިއުޅޭ ކޮޓަރިން ފެނުނު ކެނެބިސް އޭނާގެ ޙިޔާޒަތުގައި ހުރީ ކަމަށް ސާބިތުވޭތޯ، އެހެން މީހަކު އެ ތަކެތީގެ ޒިންމާ ނަގާ ކަމަށް ދިން ހެކިބަހުގެ ބުރަދަން؛ ދަށުކޯޓުގައި ނުއުފައްދާ ޗެއިން އޮފް ކަސްޓަޑީގެ ސުވާލު އިސްތިއުނާފުގައި ބަލައިގަނެވޭތޯ؛ ތަޙުލީލު ޞައްޙަތޯ؛ އަދި ކުށް ޝައްކެއްނެތި ސާބިތުވީތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ކޮޓަރިއަކީ ތުހުމަތުކުރެވޭ ފަރާތުގެ ބާރުގެ ދަށުގައިވާ ތަނަކަށްވުމާއި، ކުޑަކަމުދާ ތަކެތި ފައްސިވުމާއި، ދިފާޢީ ހެކިވެރިޔާގެ ބަސް ބުރަނުވެވޭތީ ޙިޔާޒަތު ސާބިތުވިއެވެ. ޗެއިން އޮފް ކަސްޓަޑީގެ ނުކުތާ އިސްތިއުނާފުގައި ބަލައިނުގަނެވޭ ކަމަށާއި ތަޙުލީލު ގޯސްނޫން ކަމަށް ނިންމައި، ކުށް ޝައްކެއްނެތި ސާބިތުވި ކަމަށް ކަނޑައެޅިއެވެ.