އަޙްމަދު ނިއުޝާދު ވ. ޕްރޮސިކިއުޓަރ ޖެނެރަލް

މުޖުތަމަޢުގެ ސަލާމަތަށް ނުރައްކާވެދާނެތީއާއި ހެކިންނަށް ނުފޫޒު ފޯރުވާފާނެތީ 10 ދުވަހަށް ކަސްޓޯޑިއަލް ޖަލެއްގައި ބަންދުކުރުމަށް ފުވައްމުލަކު މެޖިސްޓްރޭޓް ކޯޓުން އަމުރުކުރިއެވެ.

އިންޓެލިޖެންސް މަޢުލޫމާތާ ގުޅިގެން ކޯޓު އަމުރެއްގެ ދަށުން ފުވައްމުލަކު ފަޅު ގެއެއް ބަލައިފާސްކުރުމުން މަސްތުވާތަކެތި ކަމަށް ޝައްކުކުރެވޭ ރަބަރު ޕެކެޓްތައް ފެނި، އިސްތިއުނާފުކުރި ފަރާތް ހައްޔަރުކުރެވުނެވެ.

އިސްތިއުނާފުކުރި ފަރާތުން 6 ނުކުތާއެއްގައި ބުނީ އަމުރަކީ ޤާނޫނުއަސާސީ، ޖިނާއީ އިޖުރާއަތުގެ ޤާނޫނު، ގަވާއިދު، މަސްތުވާތަކެއްޗާބެހޭ ޤާނޫނު، ފަނޑިޔާރުންގެ ޤާނޫނު، ހެއްކާބެހޭ ޤާނޫނާއި ސުޕްރީމް ކޯޓުގެ ޤަޟިއްޔާތަކާ ޚިލާފު އަމުރެއްކަމަށެވެ. ދައުލަތުން ބުނީ ކޮންމެވެސް މިންވަރެއްގެ ހެކި ހުރިކަމަށާއި ކުރީގެ ރެކޯޑުން ކުށް ތަކުރާރުކުރުމުގެ އިޙްތިމާލު އޮތްކަމަށެވެ.

މަސްތުވާތަކެތި ޓްރެފިކްކުރުމުގެ ތުހުމަތުގައި ފުރަތަމަ ފަހަރަށް ބަންދާމެދު ގޮތެއް ނިންމާ މަރުޙަލާގައި، 10 ދުވަހަށް ކަސްޓޯޑިއަލް ޖަލެއްގައި ބަންދުކުރުމަށް ނެރުނު އަމުރަކީ ޤާނޫނުއަސާސީއާއި ޖިނާއީ އިޖުރާއަތުގެ ޤާނޫނާއި ގަވާއިދާ ޚިލާފު އަމުރެއްތޯ.

އިސްތިއުނާފު ބާޠިލް، ދަށުކޯޓުގެ އަމުރު ޤާއިމް

ޖުމްލަ ގޮތެއްގައި ބަލާއިރު ތުހުމަތަށް ކޮންމެވެސް މިންވަރެއްގެ ހެކި ހުރުމާއި، ހެކިންނަށް ނުފޫޒު ފޯރުވުމުގެ އިޙްތިމާލާއި މުޖުތަމަޢުގެ ސަލާމަތަށް ނުރައްކާ އޮތުމުން، އަމުރަށް ބަދަލުގެންނަންޖެހޭ ސަބަބެއް ނެތެވެ.