އަޙްމަދު ނާޞިރު ވ. މީޑިއާނެޓް ޕްރައިވެޓް ލިމިޓެޑް

ސިވިލް ކޯޓުން ނިންމީ ފައިސާގެ މުޤާބިލުގައި އެއްވެސް އެއްޗެއް މީޑިއާނެޓަށް ލިބިފައިނުވާތީ އެ ފައިސާ 6 މަހުގެ ތެރޭގައި އަނބުރާ ދައްކަން ކަމަށާއި، އަޙްމަދު ނާޞިރު އެދުނު ހެކިންނަކީ ކުންފުންޏަށް ފައިސާ ދެއްކިކަން ސާބިތުކޮށްދޭ ހެކިން ނޫންކަމަށެވެ.

މީޑިއާނެޓްގެ އެކައުންޓުން އަޙްމަދު ނާޞިރުގެ ނަމަށް ޖުމްލަ 2,131,700 ރުފިޔާގެ ޗެކްތައް ދޫކޮށް ފައިސާ ނެގިއިރު، ބަދަލުގައި ޑޮލަރު ނުލިބުނުކަމަށް ބުނެ މީޑިއާނެޓުން ފައިސާ ހޯދަން ދަޢުވާކުރިއެވެ. އަޙްމަދު ނާޞިރު ބުނީ ޑޮލަރު ހަވާލުކުރީ ޗެކް ގެނައި ކުންފުނީގެ މުވައްޒަފާ ކަމަށެވެ.

އިސްތިއުނާފުކުރި ފަރާތުން ބުނީ ދެފަރާތާ ދެމެދު އެއްބަސްވުމެއް ނެތްކަމަށާއި، ފުލުހުންގެ ތަޙްޤީޤު ލިޔުންތައް ނުދިން ކަމަށާއި، ހުށަހެޅި ހެކިން ހާޟިރުނުކުރި ކަމަށެވެ. މީޑިއާނެޓުން ބުނީ ޗެކްތައް ދޫކުރީ ކުންފުނީގެ އެކައުންޓުން އޭނާގެ އެކައުންޓަށް ކަމަށެވެ.

ޗެކްތަކުން ދޫކުރި ފައިސާއަށް ޑޮލަރު ނުލިބުނުކަމަށް ބުނާ މުޢާމަލާތަކީ ކުންފުންޏާއި އިސްތިއުނާފުކުރި ފަރާތާ ދެމެދު ހިނގި މުޢާމަލާތެއްތޯ، އަދި ޑޮލަރު ހަވާލުކުރިކަން ސާބިތުކުރުމަށް ހުށަހެޅި ހެކިން ހާޟިރުނުކޮށް ސިވިލް ކޯޓުން މައްސަލަ ނިންމީ ރަނގަޅަށްތޯ.

ދަށުކޯޓުގެ ޙުކުމް ބާޠިލު، ހެކިން ހާޟިރުކޮށް އަލުން ބެލުމަށް ސިވިލް ކޯޓަށް ފޮނުވި

މުޢާމަލާތަކީ ކުންފުންޏާ ދެމެދު ހިނގި މުޢާމަލާތެއްކަމަށް ދަށުކޯޓުން ކަނޑައެޅުމުގައި ކުށެއް ނުފެނުނު ނަމަވެސް، މުވައްޒަފާ ޑޮލަރު ހަވާލުކުރިކަން ސާބިތުކުރަން ހުށަހެޅި ހެކިން ހާޟިރުނުކުރުމުގެ ސަބަބު އެކަށީގެންވާ ސަބަބެއް ނޫންކަމަށް ކޯޓުން ދެކުނެވެ.