އާދަމް ނަޞީރު ވ. އާއިޝަތު ސުއިޒާ

ހައްދުންމަތީ ގަމު މެޖިސްޓްރޭޓް ކޯޓުން، ވިއްކަން އެދޭ މީހާއާއި ޢާއިލާއަށް ދިރިއުޅޭނެ އެހެންތަނެއް ހަމަޖެހިފައިވުމުގެ ޝަރުޠު ފުރިހަމަ ނުވާތީ ވިޔަފާރީގެ ޢަޤުދު ކޮށްދެވެން ނެތްކަމަށް ނިންމިއެވެ.

އިސްތިއުނާފުކުރި ފަރާތުގެ ނަމުގައިވާ 4000 އަކަފޫޓުގެ އަމިއްލަ ގޯތި 100,000 ރުފިޔާއަށް ޝަރީޢަތް މެދުވެރިކޮށް ވިއްކުމަށް އެދި މެޖިސްޓްރޭޓް ކޯޓަށް ހުށަހެޅިއެވެ. އޭނާއާއި ޢާއިލާ ދިރިއުޅެނީ އަނބިމީހާގެ ބައްޕަގެ ގޭގައި ކަމަށާއި، އަނބިމީހާގެ ނަމުގައި ބަންޑާރަ ގޯއްޗެއް އޮވެއެވެ.

އިސްތިއުނާފުކުރި ފަރާތުން ބުނީ ޤަވާޢިދުގެ 17 ވަނަ މާއްދާއާ ޚިލާފަށް ނިންމާފައިވާކަމަށާއި، 2014/SC-A/40 ގެ ޙާލަތާ ތަފާތުތައް ރިޢާޔަތް ނުކޮށް ނިންމާފައިވާކަމަށެވެ.

ވިއްކަން އެދޭ ގޯތި ފިޔަވައި ވިއްކާ މީހާގެ ނަމުގައި އެހެން ގޯއްޗެއް ނެތްނަމަވެސް، އަނބިމީހާގެ ނަމުގައިވާ ގޯއްޗަކާއި ޢާއިލާގެ ގޭގައި ދިރިއުޅެމުންދާއިރު، ބިމާބެހޭ ޤާނޫނުގެ 18 ވަނަ މާއްދާގެ (ހ) ގެ 'ދިރިއުޅޭނެ އެހެންތަނެއް ހަމަޖެހިފައިވުން' މި ޝަރުޠު ފުރިހަމަވޭތޯ.

ދަށުކޯޓުގެ ޙުކުމް ބާޠިލުކޮށް އަލުން ބެލުމަށް ފޮނުވި

އަނބިމީހާގެ ނަމުގައި ގޯއްޗެއް އޮތުމަކީ ޤަވާޢިދުގެ 17 (ހ) ގައިވާ ފަދަ ތަނެއްކަމުންނާއި، ޢާއިލާއާއެކު ދިރިއުޅެމުންދާ ގޭގައި ކުރިއަށްވެސް ދިރިއުޅެވޭނެ ކަމަށް ބުނާތީއާއި، ވިއްކަން އެދޭ ގޯއްޗަކީ ހުސްގޯއްޗަކަށް ވާތީ، ދިރިއުޅުމުގެ އިންތިޒާމް ހަމަޖެހިފައިވާކަމަށް ކަނޑައަޅައި ޙުކުމް ބާޠިލުކޮށް، މުޢާމަލާތުގެ ޞައްޙަކަން ބަލައި ގޮތެއް ކަނޑައެޅުމަށް އަލުން ބެލުމަށް ފޮނުވިއެވެ.