ޢަބްދުލްޢަޒީޒް އަޙްމަދު ވ. ނެތް

ޓްރައިބިއުނަލުން ނިންމީ ޕްރޮބޭޝަން މުއްދަތުގައި ވަކިކުރި މައްސަލައަކަށްވާތީއާއި މެންބަރުންގެ މަޞްލަޙަތު ފުށުއަރާތީ، މައްސަލަ ބެލުމުގެ އިޚްތިޞާޞް ނެތްކަމަށެވެ.

ވަޒީފާއާބެހޭ ޓްރައިބިއުނަލްގެ ޑިރެކްޓަރަކު އަލަށް އުފެއްދި ޗީފް އެޑްމިނިސްޓްރޭޓަރ މަޤާމަށް ހޮވި، 3 މަސްދުވަހުގެ ޕްރޮބޭޝަނާއެކު އެއްބަސްވުމެއް ހެދުމަށްފަހު އެއް މަސް ފަހުން (25 މާރިޗް 2021) ޕްރޮބޭޝަންގައި ކަމަށް ބުނެ ވަކިކުރިއެވެ.

މުވައްޒަފު ބުނީ ޤާނޫނު ނަންބަރު 2/2008 (ވަޒީފާއާބެހޭ ޤާނޫނު) ގެ 14 އާއި 28 ވަނަ މާއްދާ ހަރުކަށިކޮށް މާނަކޮށްފައިވާކަމަށާއި، ގަވާއިދުގައިވާ ގޮތަށް ޤާބިލުކަން ނުބަލާ ވަކިކުރިކަމަށާއި، ޓްރައިބިއުނަލްގެ މުވައްޒަފުން އިސްތިސްނާކުރާ ޤާނޫނެއް ނެތްކަމަށެވެ.

ޓްރައިބިއުނަލްގެ މުވައްޒަފަކު މަތީ މަޤާމަކަށް ހަމަޖެއްސުމަށްފަހު އެ މަޤާމުގެ ޕްރޮބޭޝަން މުއްދަތުގައި ވަކިކުރުމުން ހުށަހެޅި ޝަކުވާ ބެލުމުގެ އިޚްތިޞާޞް ވަޒީފާއާބެހޭ ޓްރައިބިއުނަލަށް ލިބިގެންވޭތޯ.

އިސްތިއުނާފު ބާޠިލް، ޓްރައިބިއުނަލްގެ ނިންމުން ޤާއިމް

ޕްރޮބޭޝަން މުއްދަތުގައި ވަކިކުރުމުން ޤާނޫނު ނަންބަރު 2/2008 (ވަޒީފާއާބެހޭ ޤާނޫނު) ގެ 28 ވަނަ މާއްދާގެ (ށ) އިން ޝަކުވާކުރުމުގެ ޙައްޤު ނުދޭތީ ޓްރައިބިއުނަލަށް އިޚްތިޞާޞް ނެތެވެ.