ޒައިދު މުޙައްމަދު ރަޝީދު ވ. ޕްރޮސިކިއުޓަރ ޖެނެރަލް

ގދ. ތިނަދޫ މެޖިސްޓްރޭޓް ކޯޓުން، މުޖުތަމަޢުގެ ސަލާމަތަށް ނުރައްކަލެއް ކުރިމަތިވެދާނެ ކަމަށާއި ހެކިންނަށް ނުފޫޒު ފޯރުވާފާނެ ކަމަށް ބުނެ 15 ދުވަހަށް ބަންދުގައި ބެހެއްޓުމަށް އަމުރުކުރިއެވެ.

ކޮވިޑް-19 ގެ ސަބަބުން ރަށްރަށުގެ ދެމެދު ދަތުރު މަނާކުރެވިފައިވާ ޙާލަތުގައި ސަޕްލައި ދޯންޏެއްގެ ފަޅުވެރިއެއްގެ ގޮތުގައި ގއ. ދެއްވަދޫއަށް ދިޔަ މީހަކު ލޯންޗެއްގައި ގދ. ތިނަދޫއަށް ދިޔުމުން، ހުއްދައެއްނެތި ސިއްރުން ދަތުރުކުރި ކަމުގެ ތުހުމަތުގައި ހައްޔަރުކުރެވުނެވެ.

އިސްތިއުނާފުކުރި ފަރާތުން ބުނީ ޤާނޫނުއަސާސީގެ 48 ވަނަ މާއްދާގެ ޙައްޤުތަކާއި ޖިނާއީ އިޖުރާއަތުގެ ޤާނޫނުގެ 42 އަދި 44 ވަނަ މާއްދާގެ އިޖުރާއަތުތަކާއި ހެލްތް ޕްރޮޓެކްޝަން އޮތޯރިޓީގެ އެންގުންތަކާ ޚިލާފަށް ބަންދުކުރި ކަމަށެވެ. ދައުލަތުން ބުނީ ފަޅުވެރިއެއްކަން ސިއްރުކޮށް ދަތުރުކުރި ކަމަށެވެ.

ކޮވިޑް-19 ގެ ޢާންމު ޞިއްޙީ ކުއްލި ނުރައްކަލުގެ ޙާލަތުގައި ހުއްދައެއް ނެތި ރަށަކަށް ދަތުރުކުރި ކަމުގެ ތުހުމަތުގައި 15 ދުވަހަށް ބަންދުގައި ބެހެއްޓުމަށް ނެރުނު އަމުރަކީ ޤާނޫނުއަސާސީއާއި ޖިނާއީ އިޖުރާއަތުގެ ޤާނޫނާ އެއްގޮތަށް ނެރުނު އަމުރެއްތޯ.

ދަށުކޯޓުގެ ބަންދުގެ އަމުރު ބާޠިލު

ދެއްވަދޫ ކައުންސިލުގެ ރައީސްގެ ހުއްދައާއި ތިނަދޫ ޓާސްކްފޯހުގެ 'Approved' ޖަވާބުން، ދަތުރުކޮށްފައިވަނީ ކަމާބެހޭ އިދާރާތަކުގެ ހުއްދައާއެކު، އެ އިދާރާތަކުގެ ލަފާއާ އެއްގޮތަށް ކަން ފެންނާތީ ބަންދުގެ އަމުރު ބާޠިލުކުރިއެވެ.