ޔޫސުފް ސަޢީދު މޫސާ ވ. ޖުޑީޝަލް ސަރވިސް ކޮމިޝަން

ވަޒީފާއާބެހޭ ޓްރައިބިއުނަލުން ނިންމީ ވަކިކުރީ ޤަވާޢިދުގެ 96 (ށ) ގެ އިޖުރާއާތު ފުރިހަމަކޮށްގެންކަމަށްވާތީ އެދިފައިވާ އަމުރު ނެރެވޭނެ ހަމައެއް ނެތްކަމަށެވެ.

ސުޕްރީމް ކޯޓުން ޖުޑީޝަލް އެކަޑަމީ ޤާއިމްކުރުމާ ގުޅިގެން ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ވިލިމާލޭގެ ޖުޑީޝަލް ޓްރެއިނިންގ ސެންޓަރ އުވާލުމުން، އެޑިޕާޓްމަންޓުގެ އެސިސްޓެންޓް ޑިރެކްޓަރު 09 މާރިޗު 2016 ގައި ވަޒީފާއިން ދޫކޮށްލެވުނެވެ.

އިސްތިއުނާފުކުރި ފަރާތުން ބުނީ ވަކިކުރީ މައުޟޫޢީ އަދި އިޖުރާއީ ޢަދުލުވެރިކަން ނެތި އުފެއްދި ރިޑަންޑެންސީއެއްގެ ދަށުން ކަމަށާއި އެއީ އަންފެއަރ ޑިސްމިސަލްއެއް ކަމަށެވެ؛ ދައުލަތުން ބުނީ ސުޕްރީމް ކޯޓުގެ ބާރުގެ ދަށުން އެކަޑަމީ ޤާއިމްކޮށް ޖޭޓީސީ އުވާލުމުން މަޤާމު އުވުނީ ކަމަށާއި އެކަޑަމީއަކީ ވަކި އިދާރާއެއް ކަމަށެވެ.

ޖުޑީޝަލް ޓްރެއިނިންގ ސެންޓަރ އުވާލުމާ ގުޅިގެން ރިޑަންޑެންސީގެ ނަމުގައި ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ އެސިސްޓެންޓް ޑިރެކްޓަރު ވަޒީފާއިން ވަކިކުރުމުގައި މައުޟޫޢީ އަދި އިޖުރާއީ ޢަދުލުވެރިކަން ޤާއިމްކޮށް، ޝަރުޢީ ދާއިރާގެ މުވައްޒަފުންގެ ޤަވާޢިދުގެ 96 ވަނަ މާއްދާގެ (ށ) ފުރިހަމަކޮށްފައިވޭތޯ.

ދަށުކޯޓުގެ (ޓްރައިބިއުނަލްގެ) ނިންމުން ބާޠިލު، ވަޒީފާއަށް އަނބުރާ ނެރެ މުސާރައާއި ޢިނާޔަތް ދިނުމަށް އަމުރު

ސުޕްރީމް ކޯޓަށް އިދާރާ އުފައްދައި އުވާލުމުގެ ބާރު ދައުލަތުން ދައްކާފައި ނުވާކަމާއި، ދެ އިދާރާވެސް ސުޕްރީމް ކޯޓުގެ ދަށުގައި ހުރުމުން ވަޒީފާ ހަމަޖެއްސުމަށް ހުރަހެއް ނެތްކަމާއި، އޭނާގެ މަޤާމަކީ ޖޭޓީސީގެ މަޤާމެއް ނޫންކަމާއި، އެކަށީގެންވާ ވަޒީފާއެއް ހޯދައިދިނުމަށް އެކަށީގެންވާ މަސައްކަތެއް ނުކޮށް، މަޝްވަރާވެސް ނުކޮށް ވަކިކުރުމުން މައުޟޫޢީ އަދި އިޖުރާއީ ޢަދުލުވެރިކަން ޤާއިމުވެފައި ނުވާކަމެވެ.