ޢުމަރު ޒާހިރު ޢަބްދުއްޞަމަދު ވ. އިބްރާހީމް ނާޞިރު

ދަޢުވާ ސާބިތުކުރެވޭވަރުގެ ކާފީ ހެއްކާއި ޤަރީނާ ހުށަހެޅިފައި ނުވާތީ ދަޢުވާ ސާބިތުނުވާކަމަށް ސިވިލް ކޯޓުން ޙުކުމްކުރިއެވެ.

ޤާނޫނީ ވަކީލަކު، މުވައްކިލަކާ ދެމެދު ވެވުނު އެއްބަސްވުމުގެ ދަށުން މަދަނީ ކޯޓުގެ މައްސަލައެއްގައި ވަކާލާތުކުރި މުއްދަތުގެ މަހު ފީގެ ބާކީއާއި މަސައްކަތް ނިމުމުން ދޭން އެއްބަސްވި ފީ ހޯދުމަށް ދަޢުވާކުރިއެވެ. މި މައްސަލަ ކުރިން މަދަނީ ކޯޓުން ނިންމުމުން، 2008/HC-A/43 ގައި ހައިކޯޓުން ވަކީލުންގެ ޤަވާއިދުގެ 7.3 ގައިވާ ފަދަ އެއްބަސްވުމެއް ވެފައިވާކަން ސާބިތުވާތީ 7.8 ގެ މިންގަނޑުތަކާ ފެތޭތޯ ބަލައި މައުޟޫޢީގޮތުން ފައިޞަލާކުރަންޖެހޭކަމަށް ކަނޑައަޅައި އަލުން ބެލުމަށް ފޮނުވިއެވެ.

އިސްތިއުނާފުކުރި ފަރާތުން ބުނީ ސިވިލް ކޯޓުން 2008/HC-A/43 ގައި ފާހަގަކުރި ކަންކަމަށާއި ކޯޓުތަކުގެ ޤާނޫނުގެ 35 ވަނަ މާއްދާއަށް ރިޢާޔަތްނުކޮށް، ޤާނޫނުއަސާސީގެ 11 އާއި 31 އާ ޚިލާފަށް މަދަނީ މިންގަނޑުން ބަލާފައިނުވާކަމަށެވެ.

ހައިކޯޓުން ތަޙްވީލުކުރި މައްސަލައެއްގައި ހައިކޯޓުން ކަނޑައެޅި ކަންކަމަށް ރިޢާޔަތްނުކޮށް ދަޢުވާ ސާބިތުނުވާކަމަށް ސިވިލް ކޯޓުން ނިންމީ ރަނގަޅަށްތޯއާއި، ޤާނޫނީ ވަކީލަކާއި މުވައްކިލަކާ ދެމެދު ވެވުނު ފީގެ އެއްބަސްވުމުގެ ދަށުން ވަކީލަށް ދައްކަންޖެހޭ ފީ (މަހު ފީއާއި މައްސަލަ ނިމުމުން ދޭ ފީ) ސާބިތުވޭތޯ.

ދަށުކޯޓުގެ ޙުކުމް ބާޠިލު؛ ދަޢުވާގެ ބައެއް (މަހު ފީ) ސާބިތު

ސިވިލް ކޯޓުން ލިޔުމުން ވެވުނު އެއްބަސްވުމެއް ހުށަނާޅާތީ ދަޢުވާ ބަލާފައި ނުވަނީ ހައިކޯޓުގެ ތަޙްވީލު ޙުކުމަށް ރިޢާޔަތްނުކޮށެވެ. ކޯޓުތަކުގެ ޤާނޫނުގެ ދަށުން ހައިކޯޓުން މުޅި މައްސަލަ ބަލައި، ހެކިބަހުން މުޅި މައްސަލައަށް ފީއަކާއި މަހު ފީއެއް ކަނޑައަޅާފައިވާކަން ސާބިތުވާކަމަށާއި، ހުއްޓާލި މުއްދަތުގެ މަހު ފީ ދައްކަންޖެހޭކަމަށާއި، މައްސަލަ އެދޭ ގޮތަކަށް ނުނިމޭތީ ނިމުމުން ދޭ ފީ ނަގައިނުދެވޭނެކަމަށް ކަނޑައެޅިއެވެ.