ސިލްވަރ ސޭންސް ޕވޓ ލޓޑ ވ. ސައިފުﷲ ޢަލީ

ސިވިލް ކޯޓުން ވަޒީފާ އަނބުރާ ދީފައިވާކަން ކުންފުނިން ސާބިތުކޮށް ނުދޭތީ، 10 ދުވަހުގެ ތެރޭގައި ވަޒީފާ އަނބުރާ ދީ، US$42,599.20 އާއި 9000ރ. ދިނުމަށް ކުންފުނީގެ ޣައިރު ޙާޟިރުގައި ޙުކުމްކުރި.

ވަޒީފާއާބެހޭ ޓްރައިބިއުނަލުން 11 ސެޕްޓެމްބަރ 2013 ގައި ބޯޓު ކްރޫ މުވައްޒަފެއްގެ ވަޒީފާ އަނބުރާ ދީ، މުސާރައާއި ޢިނާޔަތް ދިނުމަށް ނިންމި ނިންމުން ތަންފީޛުކޮށްދިނުމަށް އެދި، 2 އަހަރަށްވުރެ ގިނަ ދުވަސް ފަހުން މުވައްޒަފު ސިވިލް ކޯޓަށް ހުށަހެޅި މައްސަލައެކެވެ.

ކުންފުނިން ބުނީ ހެކިތަކަށް ރިޢާޔަތް ނުކޮށް ނިންމި ކަމަށާއި، ސަބަބުތައް ރިޕޯޓުގައި ނެތް ކަމަށާއި، ޙައްޤުގައި ނިދާލި ފަރާތަށް ފައިސާ ދިނުމަކީ އިކުއިޓީއާ ޚިލާފު ކަމަށާއި، މުވައްޒަފު އެހެން ވަޒީފާއެއް ހޯދިތޯ ނުބެލި ކަމަށެވެ. މުވައްޒަފު ބުނީ ލިބުނީ ވަކިކުރިކަން އަންގާ ސިޓީ އެކަނި ކަމަށެވެ.

ވަޒީފާއާބެހޭ ޓްރައިބިއުނަލްގެ VTR/2013/52 ނިންމުމާ އެއްގޮތަށް މުވައްޒަފުގެ ވަޒީފާ އަނބުރާ ދީ، ލިބެންޖެހޭ ފައިސާ ދީފައިވާކަން ވަޒީފާދޭ ފަރާތުން ސާބިތުކޮށްދީފައިވޭތޯ، އަދި ޙުކުމް ތަންފީޛުކުރުމަށް އެދޭ މައްސަލައެއްގައި ކޯޓުން ބަލަންޖެހޭނީ ކޮންކަމަކަށްތޯ.

ދަށުކޯޓުގެ ޙުކުމް ބާޠިލު

ކުންފުނިން ވަޒީފާ އިޢާދަކޮށް، ފައިސާ ޖަމާކޮށް، މުވައްޒަފު ދިރިއުޅޭ އެޑްރެހަށް ރެޖިސްޓަރޑް ޕޯސްޓުން ތިން ފަހަރު ނުކުތުމަށް އެންގިއިރު އޭނާ ނުނުކުމެ، ކުންފުންޏާ ގުޅާފައި ނުވާތީ، ނިންމުމުގެ އިލްތިޒާމްތައް ކުންފުނިން އަދާކޮށްފައިވެއެވެ. އެހެންކަމުން ސިވިލް ކޯޓުގެ ނިންމުން ރަނގަޅެއް ނޫނެވެ.