ސާޖިދާ މުޙައްމަދު ވ. -

ޓްރައިބިއުނަލްގެ ޤަވާއިދުގެ 3 ވަނަ މާއްދާއަށް ބަލާއިރު މި މައްސަލައަކީ ޓްރައިބިއުނަލްގެ އިޚްތިޞާޞްގައި ހިމެނޭ މައްސަލައެއް ނޫންކަމަށް ބުނެ، ޓްރައިބިއުނަލުން ބެލެން ނެތް މައްސަލައެއްކަން އެންގިއެވެ.

މިނިސްޓްރީ އޮފް ހެލްތުގެ ޑެޕިއުޓީ ޑިރެކްޓަރ ޖެނެރަލްގެ މަޤާމަށް ކުރިމަތިލި އިސްތިއުނާފުކުރާ ފަރާތް، އެ މަޤާމަށް ޢައްޔަންކުރީ ތަޢުލީމީ ޝަރުޠު ހަމަނުވާ ފަރާތެއްކަމަށާއި އެއީ ސިވިލް ސަރވިސްގެ ޤާނޫނާއި ޤަވާއިދާ ޚިލާފުކަމަށް ބުނެ ސިވިލް ސަރވިސް ކޮމިޝަނަށް ރައްދުވާގޮތަށް ވަޒީފާއާބެހޭ ޓްރައިބިއުނަލަށް މައްސަލަ ހުށަހެޅިއެވެ.

އިސްތިއުނާފުކުރާ ފަރާތުން ބުނީ، ޓްރައިބިއުނަލްގެ ނިންމުމަކީ ވަޒީފާއާބެހޭ ޤާނޫނުގެ 2 ވަނަ ބާބާއި ޓްރައިބިއުނަލްގެ ޤަވާއިދުގެ 3 ވަނަ މާއްދާގެ (1) އާ ޚިލާފު ނިންމުމެއްކަމަށެވެ. އިސްތިއުނާފު ރައްދުވާ ފަރާތެއް ނެތެވެ.

ސިވިލް ސަރވިސްގެ މަޤާމަކަށް މީހަކު ޢައްޔަންކުރުމުގައި ކުރިމަތިލީ ފަރާތްތަކުގެ މެދުގައި ތަފާތުކުރިކަމަށް ބުނެ ހުށަހަޅާ މައްސަލައަކީ ވަޒީފާއާބެހޭ ޓްރައިބިއުނަލްގެ އިޚްތިޞާޞްގައި ހިމެނޭ މައްސަލައެއްތޯ؛ އަދި އިޚްތިޞާޞް ލިބިގެންވާނަމަ، އެ މައުޟޫޢާމެދު ކުރިން ގޮތެއް ނިންމާފައިވާއިރު މައްސަލަ އަލުން ބެލުމަށް އަމުރުކުރެވޭނެތޯ.

ޓްރައިބިއުނަލުން ބެލެން ނެތް މައްސަލައެއްކަން އަންގާ ލިޔުން ބާޠިލު؛ އިޚްތިޞާޞް ލިބިގެންވާކަމަށް ކަނޑައެޅި، ނަމަވެސް މައްސަލަ އަލުން ބެލުމަށް އަމުރެއް ނުކުރެ

މައްސަލައަކީ ވަޒީފާ ދިނުމުގައި ތަފާތުކުރުމާބެހޭ ވަޒީފާއާބެހޭ ޤާނޫނުގެ 2 ވަނަ ބާބުގެ 4 ވަނަ ނަންބަރާ ގުޅޭ މައްސަލައެއްކަމުން އިޚްތިޞާޞް ޓްރައިބިއުނަލަށް ލިބިގެންވެއެވެ. ނަމަވެސް އެ މަޤާމަށް ކުރިމަތިލި އެހެން ފަރާތެއްގެ މައްސަލައިން އެ މައުޟޫޢާމެދު ޓްރައިބިއުނަލާއި ހައިކޯޓުން ގޮތެއް ނިންމާފައިވާތީ، އަލުން ބެލުމަށް އަމުރެއް ނުނެރެވޭނެއެވެ.