ޕްރޮސިކިުޓަރ ޖެނެރަލްގެ އޮފީސް ވ. އަރުޝަދު ޚާލިދު

އިތުރަށް ބަންދުގައި ބަހައްޓަން ނުފެންނާތީ ތުހުމަތުކުރެވޭ މީހާ ބަންދުން ދޫކޮށްލުމަށް ކްރިމިނަލް ކޯޓުން އަމުރުކުރިއެވެ.

ހުއްދަނެތި ގޯތިގެދޮރަށް ވަނުމާއި ވައްކަންކުރުމާއި މުދަލަށް ގެއްލުންދިނުމުގެ ތުހުމަތުގައި ބަންދުގައިވާ މީހެއްގެ ބަންދުގެ މުއްދަތު އިތުރުކުރުމަށް ފުލުހުން އެދުނެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ، އަމުރަކީ ޤާނޫނުއަސާސީގެ 49 ވަނަ މާއްދާއާއި ބަންދާމެދު ގޮތެއް ނިންމުމުގެ ޤަވާޢިދުގެ 7 ވަނަ މާއްދާގެ (ހ) އާ ޚިލާފަށް، އަދި 2010/SC-A/19 ގެ 9 ވަނަ ނުކުތާގެ އުޞޫލުތަކަށް ރިޢާޔަތްނުކޮށް ނެރުއްވި އަމުރެއް ކަމަށެވެ.

ތުހުމަތުކުރެވޭ މީހާ އިތުރަށް ބަންދުގައި ބަހައްޓަން ނުފެންނާތީ ބަންދުން ދޫކޮށްލުމަށް ކްރިމިނަލް ކޯޓުން ނެރުއްވި އަމުރު ޝަރުޢީ އަދި ޤާނޫނީ ހަމަތަކާ އެއްގޮތްތޯ، އަދި މައްސަލަ ޝަރީޢަތަށް ހުށަހެޅުމަށްފަހު ބަންދާމެދު ގޮތެއް ނިންމަންވާނީ ކޮން ކޯޓަކުންތޯ.

ކްރިމިނަލް ކޯޓުގެ އަމުރު ބާޠިލު؛ ބަންދާމެދު ގޮތް ނިންމުމަށް ތުހުމަތުކުރެވިފައިވާ މައްސަލަ ހުށަހެޅިފައިވާ ކޯޓަށް ހުށަހެޅުމަށް އެންގި

މައްސަލައިގެ ބާވަތާއި ހެކި ޤަރީނާއަށް ބަލާއިރު ކުށް ތަކުރާރުކުރުމުގެ ފުރުޞަތާއި މުޖުތަމަޢުގެ ސަލާމަތަށް ނުރައްކަލެއް އޮތުމުން ދޫކޮށްލުމުގެ އަމުރަށް ބަދަލު ގެންނަންޖެހެއެވެ. ނަމަވެސް އިސްތިއުނާފުގެ އަޑުއެހުން ފެށުމުގެ ކުރިން ދަޢުވާ ކްރިމިނަލް ކޯޓަށް ފޮނުވާފައިވާތީ، ޤަވާޢިދުގެ 13 ވަނަ މާއްދާގެ (ހ) ގެ ދަށުން ބަންދާމެދު ގޮތް ނިންމުމަށް މައްސަލަ އޮންނަ ކޯޓަށް ހުށަހަޅަން ޖެހެއެވެ.