ޕްރޮސިކިއުޓަރ ޖެނެރަލް ވ. މުޙައްމަދު ސިމްހާން

އައްޑޫ މީދޫ މެޖިސްޓްރޭޓް ކޯޓުން، ޝަރީޢަތް ނިމެންދެން ބަންދަށް އެދެންޖެހޭނީ ފުރަތަމަ މަޖިލީހުގައި ކަމާއި، ތަޙްޤީޤު ފުރިހަމަވެ މައްސަލަ ޝަރީޢަތަށް ހުށަހެޅިފައިވާތީ އިތުރަށް ބަންދުގައި ބަހައްޓަން ޖެހޭ ތަނެއް ނެތްކަމަށް ބުނެ ތުހުމަތުކުރެވޭ ފަރާތް ބަންދުން ދޫކޮށްލިއެވެ.

ގަދަކަމުން ބަދުއަޚްލާޤީ ޢަމަލު ހިންގުމުގެ ތުހުމަތުގައި ހައްޔަރުކުރެވުނު މީހެއްގެ ބަންދުގެ މުއްދަތު ތަޙްޤީޤު މަރުޙަލާގައި ކިހާވެސް ފަހަރަކު އިތުރުކުރެވި ޖުމްލަ 35 ދުވަހަށް ބަންދުކުރެވުނެވެ؛ މައްސަލަ ޝަރީޢަތަށް ހުށަހެޅުމަށްފަހު ޝަރީޢަތް ނިމެންދެން ބަންދުކުރަން ފުލުހުން އެދުނެވެ.

ޕްރޮސިކިއުޝަނުން ބުނީ ހެކިންނަށް ނުފޫޒު ފޯރުވުމާއި ފިލުމުގެ އިޙްތިމާލު އޮތުމުން ޝަރީޢަތް ނިމެންދެން ބަންދުކުރަން ޖެހޭ ކަމަށާއި، އަމުރަކީ ޤާނޫނުއަސާސީއާއި ޖިނާއީ އިޖުރާއަތުގެ ޤާނޫނާއި ހައިކޯޓުގެ 2011/HC-A/114 އާ ޚިލާފު އަމުރެއް ކަމަށެވެ.

ޖިނާއީ ބޮޑު ކުށެއްގެ ގޮތުގައި ކަނޑައެޅިފައިނުވާ ގަދަކަމުން ބަދުއަޚްލާޤީ ޢަމަލު ހިންގުމުގެ ތުހުމަތުގައި ތަޙްޤީޤު މަރުޙަލާގައި 15 ދުވަހަށްވުރެ ގިނައިން ބަންދުކުރެވިދާނެތޯ؛ އަދި ޝަރީޢަތް ނިމެންދެން ބަންދުކުރުމަށް ފުލުހުން އެދުމުން ތުހުމަތުކުރެވޭ ފަރާތް ދޫކޮށްލި އަމުރު ޞައްޙަތޯ.

އިސްތިއުނާފު ބާޠިލް، ދަށުކޯޓުގެ އަމުރު ޤާއިމް

ތުހުމަތުކުރެވޭ ކުށަކީ އޭރު ޖިނާއީ ބޮޑު ކުށެއް ނޫންކަމުން ބަންދު 15 ދުވަހަށްވުރެ ދިގު ނުކުރެވޭނެ ކަމާއި، ކުރިން ކުރި އިތުރުކުރުންތައްވެސް ޤާނޫނާ އެއްގޮތް ނޫން ކަމާއި، ޝަރީޢަތް ނިމެންދެން ބަންދަށް މައްސަލަ ބަލާ ކޯޓުގައި އެދެވިދާނެ ކަމުން، ދޫކޮށްލި އަމުރަށް ބަދަލު ގެންނަން ޖެހޭ ތަނެއް ނެތެވެ.