ޕްރޮސިކިއުޓަރ ޖެނެރަލް ވ. މުޙައްމަދު ޖައިޝަމް ޖަމްޝާދު

ހިތަދޫ މެޖިސްޓްރޭޓް ކޯޓުން، މަޑުކުރަން އެންގި ސަބަބު ފޯމުން ނޭނގޭތީ އެ އެންގުމާއި ހައްޔަރުކުރުމަކީ ޖިނާއީ އިޖުރާއަތުގެ ޤާނޫނާއި ޤާނޫނުއަސާސީއާ ޚިލާފު ކަމަށް ބަލައި ބަންދުން ދޫކުރިއެވެ.

މަސްތުވާތަކެތީގެ ވިޔަފާރިކުރާކަމަށް ލިބުނު މަޢުލޫމާތާ ގުޅިގެން ފުލުހުން ސައިކަލުގައި ދިޔަ ތުހުމަތުކުރެވޭ ފަރާތަށް މަޑުކުރަން އެންގުމުން މަޑުނުކޮށް ފުލުސް އޮފިސަރެއްގެ ގައިގައި ސައިކަލުން ޖައްސާ ފިލަން އުޅުނުކަމަށް ތުހުމަތުކޮށް ހައްޔަރުކުރިއެވެ.

ދައުލަތުން ބުނީ ހުއްޓުވީ ލިބުނު މަޢުލޫމާތާ ގުޅިގެން ކަމަށާއި ބަންދަށް އެދުނީ ފުލުހަކަށް ސައިކަލުން ޖެއްސި އިތުރު ކުށާ ގުޅިގެން ކަމަށެވެ؛ އަދި ރަޖިސްޓްރީކުރުމުގެ ލަސްވުމާމެދު ގޮތެއް ކަނޑައެޅުމަށް އެދުނެވެ. ރައްދުވާ ފަރާތުން ބުނީ ހާދިސާ ހިނގީ ފުލުހުން ބުނާގޮތަށް ނޫންކަމަށާއި ހައްޔަރުކުރާނެ ޤާނޫނީ ސަބަބެއް ނެތްކަމަށެވެ.

ފުލުހުން މީހަކު ހުއްޓުވި ސަބަބަށް ބާރުދޭ ހެކި ނެތުމަށް ބަލައި، ހައްޔަރުކުރީ އެހެން ކުށެއްގެ ތުހުމަތުގައި ވާއިރު ބަންދުން ދޫކުރުމަށް ނިންމި ދަށުކޯޓުގެ އަމުރު ޤާނޫނާ އެއްގޮތްތޯ؛ އަދި އިސްތިއުނާފު ރަޖިސްޓްރީކުރުމުގައި ލަސްވުމާމެދު މި މައްސަލައިގައި ގޮތެއް ކަނޑައެޅޭނެތޯ.

ދަށުކޯޓުގެ އަމުރު ބާޠިލު، 7 ދުވަހުގެ ތެރޭގައި ބަންދަށް އެދި ހުށަހަޅައިފިނަމަ މި ހަމަތަކަށް ރިޢާޔަތްކޮށް ދަށުކޯޓުން ގޮތެއް ނިންމުމަށް

ބަންދަށް އެދުނީ ފުލުސް އޮފިސަރަކަށް ސައިކަލުން ޖެއްސި ތުހުމަތުގައި ކަމަށްވާތީ ދަށުކޯޓުން ބަލަންޖެހުނީ އެ ތުހުމަތަށް ބާރުދޭ ހެކި ހުރިތޯއާއި ޤާނޫނުއަސާސީގެ 49 ގެ ޙާލަތެއް އޮތްތޯ ކަމުގައި ވާއިރު، ދަށުކޯޓުން ބަލާފައިވަނީ ހުއްޓުވި ސަބަބަށް ކަމުން، އަމުރު ބާޠިލުކުރިއެވެ.