ޕްރޮސިކިއުޓަރ ޖެނެރަލް ވ. އަޙްމަދު ތަހްސީން މުޙައްމަދު

އިތުރަށް ބަންދުގައި ބަހައްޓަން ނުފެންނާތީ ޝަރުޠުކޮށް ދޫކޮށްލަން ކްރިމިނަލް ކޯޓުން އަމުރުކުރި.

ފުލުހުން ސައިކަލެއް ހުއްޓުވިއިރު ތުހުމަތުކުރެވޭ ފަރާތް ވައްޓާލި ކޮތަޅެއްގެ ތެރެއިން 97 ގްރާމްގެ މަސްތުވާތަކެތިކަމަށް ޝައްކުކުރެވޭ ތަކެތި ފެނި، ކުޑަކަމުދާ ތަކެތި ޓީ.އެޗް.ސީއަށް ޕޮޒިޓިވްވިއެވެ. 15 ދުވަހުގެ ބަންދަށް އެދުނެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22 (ޅ)، 59 އަދި 60 ވަނަ މާއްދާތަކާ ޚިލާފު، ޖިނާއީ އިޖުރާއަތުގެ ޤާނޫނުގެ 63 ވަނަ މާއްދާއަށް ރިޢާޔަތްނުކޮށް، އަދި ޤާނޫނުއަސާސީގެ 143 (ރ) ގެ ދަށުން މަތީ ކޯޓުތަކުގެ ނިންމުންތަކަށް ތަބާނުވެ ނެރުނު އަމުރެއް ކަމަށެވެ. ތުހުމަތުކުރެވޭ ފަރާތުގެ ދިފާޢު ޙުކުމުގައި ބަޔާންކޮށްފައެއް ނުވެއެވެ.

މަސްތުވާތަކެތި ގެންގުޅެ ބޭނުންކޮށް ޓްރެފިކްކުރާކަމަށް ތުހުމަތުކުރެވޭ ފަރާތެއް އިތުރަށް ބަންދުގައި ބަހައްޓަން ސަބަބެއް ނެތްކަމަށް ބުނެ ޝަރުޠުކޮށް ދޫކޮށްލި ކްރިމިނަލް ކޯޓުގެ އަމުރު ޤާނޫނާ އެއްގޮތްތޯ.

ދަށުކޯޓުގެ އަމުރު ބާޠިލު، ބަންދާމެދު އަލުން ނިންމުމަށް

މަސްތުވާތަކެތީގެ ޓްރެފިކިންއަކީ ޖިނާއީ ބޮޑު ކުށަކަށް ވުމާއި 60 (ށ) ގެ މިންގަނޑު ހަމަވާނަމަ ބަންދުގައި ބެހެއްޓުން ލާޒިމުވާތީ އަމުރަށް ބަދަލު ގެންނަންޖެހޭ ނަމަވެސް، މައްސަލަ ކްރިމިނަލް ކޯޓަށް ހުށަހެޅިފައިވާތީ ބަންދާމެދު ނިންމަންވާނީ އެ ކޯޓުން ކަމަށް ނިންމި.