ޕްރޮސިކިއުޓަރ ޖެނެރަލް ވ. އަފްޘާމް ޢަބްދުއްސައްތާރު

އިތުރަށް ބަންދުގައި ބަހައްޓަންޖެހޭ ސަބަބެއް ނެތްކަމަށް ބުނެ ޝަރުޠުތަކާއެކު ބަންދުން ދޫކޮށްލުމަށް ކްރިމިނަލް ކޯޓުން އަމުރުކުރިއެވެ.

މަސްތުވާތަކެތި އެތެރެކޮށް ވިޔަފާރިކުރާކަމަށް ތުހުމަތުކުރެވޭ ފަރާތެއްގެ ބަންދު އެތައް ފަހަރަކު އިތުރުކުރުމަށްފަހު ކްރިމިނަލް ކޯޓުން ޝަރުޠުތަކާއެކު ބަންދުން ދޫކޮށްލިއެވެ. ދައުލަތުން އެ އަމުރު އިސްތިއުނާފުކުރީ އަމުރު ނެރުނުތާ 48 ގަޑިއިރު ފާއިތުވުމަށްފަހު އީމެއިލުންނެވެ.

ރައްދުވާ ފަރާތުން ބުނީ އިސްތިއުނާފު ހުށަހެޅީ މުއްދަތު ހަމަވުމަށްފަހު ކަމަށެވެ. ދައުލަތުން ބުނީ ގަވާއިދުގައިވާ ގޮތުން މައްސަލަ ނިންމި ދުވަހާއި މުއްދަތު ހަމަވާ ދުވަސް ނުހިމެނޭތީ މުއްދަތުގެ ތެރޭގައި ހުށަހެޅިކަމަށެވެ.

ބަންދުން ދޫކޮށްލި ކޯޓު އަމުރެއް ދައުލަތުން އިސްތިއުނާފުކުރުމަށް ޖިނާއީ އިޖުރާއަތުގެ ޤާނޫނުގައިވާ 48 ގަޑިއިރުގެ މުއްދަތު ގުނަންވީ ކިހިނެއްތޯ، އަދި މި އިސްތިއުނާފު ހުށަހެޅީ މުއްދަތުގެ ތެރޭގައިތޯ (އިޖުރާއީ އިޢުތިރާޟު).

އިސްތިއުނާފު މުއްދަތު ހަމަވުމަށްފަހު ހުށަހެޅުމުން، އިޖުރާއީ ގޮތުން ކުރިއަށް ނުގެންދެވޭނެ ކަމަށް ނިންމި

އަޣްލަބިއްޔަތުގެ ރައުޔުގައި، 48 ގަޑިއިރު ގުނަނީ އަމުރު ނެރުނު ވަގުތުން ފެށިގެން ހުއްޓުމެއްނެތި ކަމަށް 2022/HC-B12/26 ގައި ކަނޑައަޅާފައިވާތީ، މި އިސްތިއުނާފު ހުށަހެޅީ މުއްދަތު ހަމަވުމަށްފަހުއެވެ. ޚިލާފު ރައުޔުގައި ބުނީ މުއްދަތު ގުނަންވީ ދުވަހަށް ބަލައި ބަންދު ދުވަސްތައް ނުހިމަނައި ކަމަށެވެ.