ޕްރޮސިކިއުޓަރ ޖެނެރަލް ވ. އަފްޞަލް ރަޝީދު

ކްރިމިނަލް ކޯޓުން ބުނީ ޤާނޫނުއަސާސީގެ 49 އާއި ގަވާއިދުގެ 13 ވަނަ މާއްދާގެ ހަރުދަނާ ސަބަބެއް އިތުރަށް ވުޖޫދުގައި ނެތް ކަމަށާއި، ކުށުގެ ރެކޯޑެއް ނެތުމާއި، އަތޮޅުތެރޭގައި ދިރިއުޅޭނެތީ ހެކިންނަށް ނުފޫޒު ފޯރުވުމުގެ އިޙްތިމާލު ކުޑަ ކަމަށެވެ.

މަސްތުވާތަކެތި އެތެރެކޮށް ވިޔަފާރިކުރާކަމަށް ތުހުމަތުކުރެވޭ މީހަކު ޝަރީޢަތް ނިމެންދެން ބަންދުކުރުމަށް 19 އޮގަސްޓް 2020 ގައި އަމުރުކުރިއެވެ. ބަންދު މުރާޖަޢާކުރުމުގައި 22 މާރިޗް 2021 ގައި ކްރިމިނަލް ކޯޓުން އެ އަމުރު ބާޠިލުކޮށް ޝަރުޠުތަކާއެކު ދޫކޮށްލިއެވެ.

ޕްރޮސިކިއުޓަރ ޖެނެރަލް ބުނީ ބަންދުކުރި ސަބަބުތަކަށް ބަދަލެއް ނައި ކަމަށާއި، ސުޕްރީމް ކޯޓުގެ 2020/SC-A/108,109,110 އާ ޚިލާފު ކަމަށާއި، އެއްވެސް ހެކިބަސް ނެގިފައި ނުވާއިރު ނުފޫޒު ފޯރުވުމުގެ އިޙްތިމާލު އޮތް ކަމަށާއި، މަސްތުވާތަކެތީގެ އަދަދު ބޮޑު ކަމަށެވެ.

މަސްތުވާތަކެތީގެ ޓްރެފިކިންގ މައްސަލައެއްގައި ޝަރީޢަތް ނިމެންދެން ބަންދުކޮށްފައިވާ މީހެއްގެ ބަންދު މުރާޖަޢާކުރުމުގައި، ހެކިބަސް ނެގުމުގެ ކުރިން، ބަންދުކުރި ސަބަބުތައް ފިލައިގޮސްފައިވާކަމަށް ބުނެ ޝަރުޠުތަކާއެކު ދޫކޮށްލުމަށް ކްރިމިނަލް ކޯޓުން ނެރުނު އަމުރަކީ ޤާނޫނާ އެއްގޮތް އަމުރެއްތޯ.

ކްރިމިނަލް ކޯޓުގެ ދޫކޮށްލުމުގެ އަމުރު ބާޠިލު (އަޣުލަބިއްޔަތުގެ ރައުޔު)

ފަނޑިޔާރު ފައިޞަލް ދެކެވަޑައިގަތީ ބަންދުގެ ސަބަބުތައް ފާޅުކަން ބޮޑުގޮތެއްގައި ދެމިއޮތްކަން ދައުލަތުން ސާބިތުނުކުރާތީ އަމުރަށް ބަދަލު ނުގެނެވޭނެ ކަމަށެވެ. އަޣުލަބިއްޔަތު ދެކެވަޑައިގަތީ ހެކިބަސް ނެގުމުގެ ކުރިން، ހެކި ޤަރީނާއަށް ބަދަލެއް ނައިސް ބަންދު ނިމުމަކަށް ގެނައުމަކީ ރަނގަޅު ގޮތެއް ނޫންކަމަށާއި، ރަށަކަށް ބަދަލުވުމުން ނުފޫޒު ފޯރުވުމުގެ އިޙްތިމާލު ނުނެތޭކަމަށެވެ.