ޕްރޮސިކިއުޓަރ ޖެނެރަލް ވ. -

މެޖިސްޓްރޭޓް ކޯޓުން ނިންމީ، ދަޢުވާ ފޯމާއެކު ހެކި ހިމަނާފައިނުވާތީ ޖިނާއީ އިޖުރާއަތުގެ ޤާނޫނާ އެއްގޮތަށް ހުށަހަޅާފައިވާ ފޯމަކަށް ނުވާތީ ބަލައިނުގަނެވޭނެ ކަމަށެވެ.

ކުޑަކުއްޖަކާއެކު ޖިންސީ ޢަމަލެއް ހިންގުމުގެ ކުށުގެ ދަޢުވާ ފޯމު ޕްރޮސިކިއުޓަރ ޖެނެރަލް އީ-މެއިލް މެދުވެރިކޮށް ނ. މަނަދޫ މެޖިސްޓްރޭޓް ކޯޓަށް ފޮނުވުމުން، ދަޢުވާ ސާބިތުކުރުމަށް ބޭނުންވާ ބަޔާންތަކާއި އެކްޒިބިޓްތައް ހިމަނާފައިނުވާތީ ކޯޓުން ފޯމު ބަލައިނުގަނެ އަނބުރާ ފޮނުވިއެވެ. ދެ ފަހަރަކު މުރާޖަޢާއަށް އެދުމުންވެސް ކޯޓުން ނިންމުން ދެމެހެއްޓިއެވެ.

ޕްރޮސިކިއުޓަރ ޖެނެރަލް ބުނީ، ފޯމު އަނބުރާ ފޮނުވުމަކީ ޖިނާއީ އިޖުރާއަތުގެ ޤާނޫނާ ޚިލާފު ނިންމުމެއްކަމަށާއި، އިސްތިއުނާފު ރައްދުވާ ފަރާތެއް ނެތި މައްސަލަ ކުރިއަށް ގެންދިއުމަށް ޤާނޫނީ ހުރަހެއް ނެތްކަމަށެވެ.

ކުޑަކުއްޖަކާއެކު ޖިންސީ ޢަމަލެއް ހިންގުމުގެ ކުށުގެ ދަޢުވާ ފޯމު، ހެކި ހިމަނާފައިނުވާތީ މެޖިސްޓްރޭޓް ކޯޓުން ބަލައިނުގަތުމަށް ނިންމި ނިންމުން ޕްރޮސިކިއުޓަރ ޖެނެރަލް އިސްތިއުނާފުކުރިއިރު، އިސްތިއުނާފު ރައްދުވާ ފަރާތެއް ނުހިމަނައި އެ އިސްތިއުނާފު ކުރިއަށް ގެންދެވިދާނެތޯ.

އިސްތިއުނާފު ކުރިއަށް ނުގެންދިއުމަށް ނިންމި (އިސްތިއުނާފު ރައްދުވާ ފަރާތެއް ނެތުމުން)

2019/SC-A/44 ގައި ސުޕްރީމް ކޯޓުން ބުނެފައިވާ ގޮތުން ޖިނާއީ އިސްތިއުނާފެއް ރައްދުވާ ފަރާތުގެ ޣައިރު ޙާޟިރުގައި ނުނިންމޭނެކަމާއި، އެ ޤަޟިއްޔާގައި ޕްރޮސިކިއުޓަރ ޖެނެރަލް ނެގި ސްޓޭންޑް މިހާރު ބަދަލުކުރެވިދާނެކަމަށް ނުދެކޭކަމާއި، ރައްދުވާ ފަރާތެއް ހިމަނަން ޕީޖީ އެދިފައިނުވާކަމެވެ.