ނުޒުހާ މުޙައްމަދު ވ. ތުއްތު

މަރަދޫފޭދޫ މެޖިސްޓްރޭޓް ކޯޓުން އެއްބަސްވުން ދެމެހެއްޓުމުގެ ޤާނޫނީ ޙައިޘިއްޔަތު ގެއްލިފައިވާކަމަށް ކަނޑައަޅައި އެއްބަސްވުން ބާޠިލުކުރިއެވެ؛ ގޯތީގެ ރަޖިސްޓްރީއަށް ބަދަލެއް ނާންނާނެކަމަށާއި ގޭގެ އަގު ނަގައިދޭނެ ތަނެއް ނެތްކަމަށް ކަނޑައެޅިއެވެ.

1997 ވަނަ އަހަރު މެޖިސްޓްރޭޓް ކޯޓުގައި ރަޖިސްޓްރީކުރި އެއްބަސްވުމަކުން، ދަޢުވާކުރި ފަރާތް މަރުވާހާ ދުވަހަށް ބެލުން ޝަރުޠުކޮށް ގެ ދީފައިވެއެވެ. ގެ ލިބުނު ފަރާތް އެއްބަސްވުމާ ޚިލާފުވެ ނުބަލައި ގެއިން ނެރެލީކަމަށްބުނެ އެއްބަސްވުން ބާޠިލުކުރަން އެދި ދަޢުވާކުރިއެވެ. މި ފަރާތުން މީގެ ކުރިން 33/S5C/2017 އާއި 34/S5C/2017 ގައި ހުށަހެޅި ދަޢުވާ ދޫކޮށްލާފައިވެއެވެ.

އިސްތިއުނާފުކުރި ފަރާތުން ބުނީ ޖަވާބުދާރީވުމަށް އެކަށީގެންވާ ފުރުޞަތު ނުދީ ނިންމާފައިވާކަމަށާއި، ދަޢުވާ ސާބިތުކޮށްދެވިފައިނުވާކަމަށާއި، ހެކި ޠަޢުނުކުރުމުގެ ފުރުޞަތު ނުލިބޭކަމަށާއި، ޝަރީޢަތްކުރުމުގެ ޤަވާޢިދާ ޚިލާފަށް ހެކިބަސް ނަގާފައިވާކަމަށެވެ.

ކުރިން ދޫކޮށްލި ދަޢުވާއާ އެއް މައުޟޫޢެއްގައި އަލުން ހުށަހެޅި ދަޢުވާ ބަލައިގަނެވޭތޯއާއި، ބެލުން ޝަރުޠުކޮށް ގެ ދިނުމުގެ އެއްބަސްވުމާ ޚިލާފުވިކަން ސާބިތުވޭތޯ.

ދަށުކޯޓުގެ ޙުކުމް ބާޠިލު

ކުރިން ދޫކޮށްލި ދަޢުވާއާ އެއް މައުޟޫޢެއްގައި އަލުން ހުށަހެޅި ދަޢުވާއަކީ ޤާނޫނު ނަންބަރު 78/81 ގެ 2 ވަނަ މާއްދާއާ ތަޢާރުޟުވާ ދަޢުވާއެކެވެ. އަދި ގެއިން ނެރެލިކަން ހެކިބަހުން ޔަޤީންކަމާއެކު ސާބިތުނުވާތީ އެއްބަސްވުމާ ޚިލާފުވިކަމަށް ބެލެވެން ނެތެވެ.