ނަން ފޮރުވާފައި ވ. ނަން ފޮރުވާފައި

ފެމިލީ ކޯޓުން ވަގުތީ އަމުރު މުރާޖަޢާކުރުމުގައި ކުއްޖާ މަންމަ ކައިރީގައި ބެހެއްޓުމަށް ނިންމިއެވެ. ހައިކޯޓުން އެ ނިންމުން ދެމެހެއްޓިއެވެ.

ކުއްޖާގެ މައިންބަފައިންގެ ކައިވެނި ރޫޅުމަށްފަހު، ކުއްޖާގެ ޙަޟާނަތުގެ މައްސަލަ ފެމިލީ ކޯޓުގައި ހިނގަމުންދާއިރު، ވަގުތީ އަމުރަކުން ކުއްޖާ މަންމަ ކައިރީގައި ބެހެއްޓުމަށް ނިންމެވުނެވެ.

ބައްޕަ ބުނީ، ކުއްޖާއަށް ޕަނިޝްމަންޓް ލިބުމުގެ އިހްތިމާލު އޮތުމުން ހައިކޯޓުގެ ނިންމުން ކުޑަކުދިންގެ ޙައްޤުތައް ރައްކާތެރިކުރުމުގެ ޤާނޫނާ ޚިލާފުކަމަށާއި، ހެކި އަލުން ވަޒަންކުރުމަށެވެ. މަންމަ އެދުނީ ހައިކޯޓުގެ ނިންމުމަށް ބަދަލު ގެންނަންޖެހޭ ސަބަބެއް ނެތްކަމަށް ކަނޑައަޅައި ދިނުމަށެވެ.

ކުއްޖާ މަންމަ ކައިރީގައި ބެހެއްޓުމުގެ ވަގުތީ އަމުރު ދެމެހެއްޓި ހައިކޯޓުގެ ނިންމުމަށް ބަދަލު ގެންނަންޖެހޭ ޤާނޫނީ ސަބަބެއް އޮތްތޯ، އަދި ދަށު ކޯޓުގައި ހިނގަމުންދާ މައްސަލައިގެ ހެކި ސުޕްރީމް ކޯޓުން ވަޒަންކުރެވޭނެތޯ.

ހައިކޯޓުގެ ނިންމުމަށް ބަދަލު ގެންނަންޖެހޭ ޤާނޫނީ ސަބަބެއް ނެތް؛ ހައިކޯޓުގެ ނިންމުން ދެމެހެއްޓުނު

ހުށަހެޅި ކަންކަމުން ކުއްޖާ މަންމާގެ ކިބައިން ވަކިކުރަންޖެހޭ ސަބަބެއް ނުފެނުނެވެ. ދަށު ކޯޓުގައި ހިނގަމުންދާ މައްސަލައިގެ ހެކި ސުޕްރީމް ކޯޓުން ވަޒަންކުރުމަކީ އެ މައްސަލައިގައި އިންސާފު ގާއިމުކުރުމުގެ ދޮރު ބަންދުކުރުމެވެ. ހައިކޯޓުގެ ޙުކުމް ޤާނޫނާ ޚިލާފުވުމާއި ބެހޭ ސަބަބެއް ނެތުމުން، އިސްތިއުނާފަކީ ކޯޓުތަކުގެ ޤާނޫނުގެ 16 ވަނަ މާއްދާގެ ދަށުން ބެލޭނެ އިސްތިއުނާފެއް ނޫނެވެ.