މުހައްމަދު ސަޢީދު ވ. މޯލްޑިވްސް ކަސްޓަމްސް ސަރވިސް

ކޮމިޝަނުގެ ނިންމުން ތަންފީޛުކޮށް މަޤާމާއި މުސާރަ ހޯދުމަށް ހުށަހެޅި 39/VTR/2019 މައްސަލަ ރެސް ޖުޑިކާޓާގެ ދަށުން ބެލޭނެ މައްސަލައެއް ނޫންކަމަށް ޓްރައިބިއުނަލުން ނިންމިއެވެ.

އިސްތިއުނާފުކުރި ފަރާތް ކަސްޓަމްސްގެ ޑެޕިއުޓީ ޗީފް ސުޕްރިންޓެންޑެންޓްގެ މަޤާމަށް ޕްރޮމޯޝަން ނުލިބުނުކަމަށް ބުނެ ކުރިން ޓްރައިބިއުނަލަށް ހުށަހެޅި މައްސަލަ (188/VTR/2013) ބާޠިލުވިއެވެ. އޭގެފަހުން ނޭޝަނަލް އިންޓެގްރިޓީ ކޮމިޝަނުން ކަނޑައެޅީ އޭނާ ޕްރޮމޯޝަނަށް ހިމެނިފައި ނުވާކަމަށެވެ.

އިސްތިއުނާފުކުރި ފަރާތް ބުނީ ދެ މައްސަލައިގެ މަޙައްލާއި ދަޢުވާގެ ސަބަބު ތަފާތު ކަމަށާއި 2018/SC-C/06 އާ ޚިލާފަށް ކަމަށެވެ. ދައުލަތުން ބުނީ ރެސް ޖުޑިކާޓާގެ ޢުންޞުރުތައް ފުރިހަމަވާ ކަމަށެވެ.

ކުރިން ވަޒީފާއާބެހޭ ޓްރައިބިއުނަލުން ނިންމާފައިވާ މަޤާމުގެ ކުރިއެރުމުގެ މައްސަލަ، ފަހުން ލިބުނު ނޭޝަނަލް އިންޓެގްރިޓީ ކޮމިޝަނުގެ ނިންމުމުގެ މައްޗަށް އަލުން ހުށަހެޅުމުން ރެސް ޖުޑިކާޓާގެ މަބްދައު ތަޠުބީޤުކޮށް ޓްރައިބިއުނަލުން މައްސަލަ ނުބަލަން ނިންމުމަކީ ޤާނޫނާ އެއްގޮތް ނިންމުމެއްތޯ.

ޓްރައިބިއުނަލުގެ ނިންމުން ރަނގަޅުކަމަށް ކަނޑައެޅި (އިސްތިއުނާފު ބާޠިލު، ދަށުކޯޓުގެ ނިންމުން ޤާއިމް)

ތިން ޝަރުޠު ފުރިހަމަވާކަމަށާއި، އާ ހެއްކަކީ އިސްތިސްނާ ޙާލަތަކަށް ވެދާނެ ނަމަވެސް ޤާނޫނީ މަގަކީ ފުރަތަމަ ނިންމުން ހައިކޯޓަށް އިސްތިއުނާފުކުރުން ކަމުން ޓްރައިބިއުނަލުގެ ނިންމުން ރަނގަޅުކަމަށް ކޯޓުން ކަނޑައެޅިއެވެ.