މުޙައްމަދު ޞަދީފް ވ. މިނިސްޓްރީ އޮފް ޓޫރިޒަމް

ސިވިލް ކޯޓުން ވަގުތީ އަމުރު ނުނެރުމަށް ނިންމީ، ހެޑްލީސް ލިބިފައިވާ ކުންފުންޏަކީ އަމިއްލަ ޝަޚްޞެއް ކަމަށާއި، އެދުނު ފަރާތުގެ ޙިއްޞާ އޮތް ކުންފުނި އެ ކުންފުނީގެ ޙިއްޞާދާރަކަށްވުމަކީ އެ ކުންފުނީގެ މުދަލުގެ މައްޗަށް އޭނާގެ ޝަޚްޞީ ޙައްޤެއް ކަމަށް ނުބެލެވޭތީއެވެ.

ނ. ކުރެދިވަރުގެ ހެޑްލީސް ލިބިފައިވާ ޖޮއިންޓް ވެންޗަރ ކުންފުނީގެ 90% ޙިއްޞާ އޮތް ޕޭރަންޓް ކުންފުނީގެ ޙިއްޞާދާރަކު، އޭނާއަށް ނޭނގި އެ ޙިއްޞާ ބަދަލުކުރި މުޢާމަލާތް ބާޠިލުކުރުމަށް ސިވިލް ކޯޓަށް ދަޢުވާކޮށް، ޙުކުމް ކުރުމުގެ ކުރިން ރަށުގެ ހެޑްލީސް އެހެން ފަރާތަކަށް ބަދަލުކުރުމުގެ ހުއްދަ ނުދިނުމަށް ވަގުތީ އަމުރަކަށް އެދުނެވެ.

އިސްތިއުނާފުކުރި ފަރާތުން ބުނީ ގަވާއިދުގެ ދަށުން ލިބޭނެ ކަމަށްބުނާ ފަރުވާ ނުލިބޭކަމަށާއި، އޭނާއަކީ ޙިއްޞާދާރެއްކަން ހެކިން ސާބިތުވާކަމަށާއި، ކުންފުނި އުވާލާއިރު ކޮންމެ މެންބަރަކަށް ޝަޚްޞީ ޙައްޤެއް އޮންނަ ކަމަށެވެ. ދައުލަތާއި ތަދައްޚުލްވި ފަރާތުން ބުނީ ލަސްވުމުގެ ނުރައްކަލެއް ނެތްކަމަށާއި، ގަވާއިދުގެ އިޖުރާއަތުން ރައްކާތެރިކަން ލިބޭނެ ކަމަށާއި، އިސްތިއުނާފުކުރި ފަރާތަށް ޞިފަތު ނެތްކަމަށާއި، ތިންވަނަ ފަރާތަށް ގެއްލުންވާގޮތަށް ވަގުތީ އަމުރު ނުނެރޭނެ ކަމަށެވެ.

ކުންފުންޏެއްގެ ޙިއްޞާދާރު ކުންފުންޏެއްގެ ޙިއްޞާދާރަކަށްވާ މީހަކަށް، އެ ދެވަނަ ކުންފުންޏާ ހަވާލުކުރެވިފައިވާ ރަށެއްގެ ހެޑްލީސް ބަދަލުނުކުރުމަށް ވަގުތީ އަމުރަކަށް އެދުމުގެ ޞިފަތު (capacity) ލިބިގެންވޭތޯ، އަދި ސުޕްރީމް ކޯޓުގެ 2012/SC-A/21 ޤަޟިއްޔާގައިވާ ވަގުތީ އަމުރު ނެރުމުގެ ޝަރުޠުތައް މި މައްސަލައިގައި ފުރިހަމަވޭތޯ.

ނިންމުމުގެ ބައި ފައިލުގައި ނެތް (އަޣްލަބިއްޔަތުގެ ރައުޔުގައި އިސްތިއުނާފުކުރި ފަރާތަށް ޞިފަތާއި މައުޟޫޢީ ޙައްޤު ލިބިގެންވާ ކަމަށް ކަނޑައަޅާފައި)

ފަނޑިޔާރު ފައިޞަލް ދެކެވަޑައިގަތީ އިސްތިއުނާފުކުރި ފަރާތަށް ޞިފަތު ނެތް ކަމަށެވެ. އަޣްލަބިއްޔަތު ދެކެވަޑައިގަތީ ޕޭރަންޓް ކުންފުނީގެ ޙިއްޞާދާރަކަށް ސަބްސިޑިއަރީގެ މާލީ ޙާލަތުގައި މަޞްލަޙަތު އޮންނާތީ ޞިފަތު ލިބިގެންވާ ކަމަށާއި، މައިނޯރިޓީ ޙިއްޞާދާރެއްގެ ގޮތުން މައުޟޫޢީ ޙައްޤެއް އޮތް ކަމަށާއި، އެސެޓް ވިއްކާލައިފިނަމަ ނުރައްކަލެއް އޮތް ކަމަށެވެ.