މުޙައްމަދު އަސްލަމް ވ. އަޙްމަދު ޢަބްދުﷲ

ސިވިލް ކޯޓުން ޗެކުގައިވާ 1,300,000 ރުފިޔާއަކީ ވާރިޘުންނަށް އަދާކުރަންޖެހި އަދާނުކޮށްވާ ފައިސާއެއްކަން ސާބިތުވާކަމަށް ކަނޑައަޅައި، 2 މަސްދުވަހުގެ ތެރޭގައި ދެއްކުމަށް ޙުކުމްކޮށްފައިވެއެވެ.

އިސްތިއުނާފުކުރި ފަރާތް 6 މަސްދުވަހުގެ ތެރޭގައި އަނބުރާ ދެއްކުމަށް ނިޔާވެފައިވާ ފަރާތެއްގެ އަތުން 1,300,000 ރުފިޔާ ނަގައި، އެ ފައިސާ އަނބުރާ ދެއްކުމަށް ދިން ޗެކް ބައުންސްވިއެވެ. ފައިސާ ދިން ފަރާތް ދިރިހުއްޓާ ތިން ފަހަރަކު ދަޢުވާކުރި ނަމަވެސް، ނިޔާވުމަށްފަހު އޭނާގެ ވާރިޘުން ދަޢުވާ ހުށަހެޅިއެވެ.

ޗެކާ ގުޅިފައިވާ މުޢާމަލާތަށް ބެލުމެއްނެތި ހަމައެކަނި ޗެކެއް އޮތުމުގެ މައްޗަށް ފައިސާ ދޭންޖެހޭކަމަށް ކަނޑައަޅައި 2012/SC-A/22 ގެ މަފްހޫމް ގޯސްކޮށް ތަޠްބީޤުކުރިކަމަށާއި، ޗެކަށް ފައިސާ ދޫނުކުރުމަށް ބޭންކަށް އަންގާފައިވާއިރު ޗެކްގެ އަޞްލު ހޯދުމަށް ޝަރުޢީ މަރުޙަލާ މެދުވެރިނުކުރުމަކީ ފައިސާ ދޭންޖެހޭ ސަބަބަކަށް ހެދީ ގޯސްކޮށްކަމަށް އިސްތިއުނާފުކުރި ފަރާތުން ބުންޏެވެ.

ބައުންސްވި ޗެކަކަށް ފައިސާ ދޭންޖެހޭކަމަށް ކަނޑައެޅުމުގައި ޗެކާ ގުޅިފައިވާ މުޢާމަލާތަށް ރިޢާޔަތްކުރަންޖެހޭތޯއާއި، ދަރަނި ދިން ފަރާތް ނިޔާވުމަށްފަހު އޭނާގެ ވާރިޘުން ކުރި ދަޢުވާގައި، ދަރަނި ދައްކާ ޚަލާޞްކުރިކަމަށް އަލަށް ހުށަހަޅާ ހެކި ބަލައިގަނެވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ނިޔާވި ފަރާތް ދިރިހުއްޓާ ދިން ޖަވާބާ ތަފާތު ޖަވާބެއް ދީ، ޚަލާޞްކުރިކަމަށް އަލަށް ހުށަހަޅާ ހެކި ޤަބޫލުނުކުރެވޭނެކަމާއި، ފައިސާ ނެގިކަން ސާބިތުވާއިރު ޚަލާޞްކުރިކަން ސާބިތުކުރުމުގެ ބުރަ ދަރަނި ނެގި ފަރާތުގެ މައްޗަށް ވާތީ ދަށުކޯޓުގެ ޙުކުމަށް ބަދަލުގެންނަ ސަބަބެއް ނެތެވެ.