މުޙައްމަދު އަޙްމަދު މަނިކު ވ. ޙުސައިން ޢަލީމަނިކު

ރ.އިނގުރައިދޫ މެޖިސްޓްރޭޓް ކޯޓުން 27,835.35 ރުފިޔާ ދޭންޖެހި ނުދީވާކަން ސާބިތުވާކަމަށް ކަނޑައަޅައި ދިނުމަށް ޙުކުމްކުރިއެވެ.

މިނިސްޓްރީ އޮފް އެޑިއުކޭޝަންގެ ބޭނުމަކަށް ސްކޫލް ޑެސްކް ޖެހުމަށް ދެފަރާތް އަނގަބަހުން އެއްބަސްވެ، 118 ޑެސްކް ޖަހައި 50,000 ރުފިޔާ ލިބުނެވެ. މަސައްކަތްކުރި ފަރާތުން ބާކީ 27,835.35 ރުފިޔާ ހޯދުމަށް ދަޢުވާކުރިއެވެ.

އިސްތިއުނާފުކުރި ފަރާތުން ބުނީ އެއްބަސްވުމަކީ އެއްވެސް ފަރާތަކުން ސޮއިނުކުރާ ލިޔުމެއް ކަމަށާއި، ޖަވާބުދިނުމާއި ދިފާޢުކުރުމުގެ ފުރުޞަތު ނުދީ، އޭނާގެ ޣައިރު ޙާޟިރުގައި ހެކިބަސް ނެގި ކަމަށާއި، ޑެސްކެއް 300 ރުފިޔާއަށް އެއްބަސްވި ކަމަށެވެ. ރައްދުވި ފަރާތުން ބުނީ ދުވާލަކަށް 500 ރުފިޔާގެ ރޭޓުން މަސައްކަތްކުރި ކަމަށެވެ.

ސޮއިނުކުރާ ލިޔެވިފައިވާ އެއްބަސްވުމަކުން ސްކޫލް ޑެސްކް ޖެހުމުގެ އަގު ބާކީ ފައިސާގެ ދަޢުވާ ސާބިތުވޭތޯއާއި، ދަޢުވާ ލިބޭ ފަރާތުގެ ޣައިރު ޙާޟިރުގައި ހެކިބަސް ނަގައިގެން ކުރި ޙުކުމް ޞައްޙަވޭތޯ.

ދަށުކޯޓުގެ ޙުކުމް ބާޠިލު

ހުށަހެޅި އެއްބަސްވުމަކީ ބައިވެރިން ސޮއިކުރިކަން ހެކިވެރިންނަށް ކަށަވަރުކޮށް ނުދެވޭ، ދަޢުވާކުރާ ފަރާތުގެ ބަހާ ތަޢާރުޒުވާ ލިޔުމެއް ކަމުން ދަޢުވާ ސާބިތުކުރުމަށް ބުރަދަނެއް ނުދެވެއެވެ. އަދި ދަޢުވާ ލިބޭ ފަރާތަށް ނުއަންގާ އޭނާގެ ޣައިރު ޙާޟިރުގައި ނެގި ހެކިބަހަކީ ބާޠިލް ހެކިބަހެވެ.