މުޙައްމަދު ޢަބްދުއްރައްޒާޤު ވ. ޒާހިދު ޝައުޤީ

ދަޢުވާ ނިމެންދެން ކުއްޔަށް ހިފި ފަރާތް ގޯއްޗާއި ރެސްޓޯރެންޓަށް ނުވަނުމަށް މަރަދޫފޭދޫ މެޖިސްޓްރޭޓް ކޯޓުން ވަގުތީ އަމުރު ނެރުނެވެ.

ގެއާއި ރެސްޓޯރެންޓް 2017 ގައި ކުއްޔަށް ދީފައިވާ ތަނުގެ ވެރިފަރާތުން، ކުލި ނުދެއްކުމާއި އެއްބަސްވުމާ ޚިލާފުވުމުގެ ސަބަބުން އެއްބަސްވުން ބާޠިލުކޮށް ގެއްލުމުގެ ބަދަލަށް ދަޢުވާކޮށް، ކުއްޔަށް ހިފި ފަރާތުން ޢިމާރާތް ރޫޅައި ތަކެތި ނައްޓާ ކަރަންޓު ވައިރު ބުރިކުރާތީ ވަގުތީ އަމުރަކަށް އެދުނެވެ.

އިސްތިއުނާފުކުރި ފަރާތް ބުނީ 2012/SC-A/21 ގައިވާ ޢާންމު ޝަރުޠުތަކަށް ނުބަލައި، ޤާނޫނުއަސާސީގެ 42 (ށ) ގެ ޢަދުލުވެރިކަމާއި ހަމަހަމަކަމާ ޚިލާފަށް ނެރުނު އަމުރެއް ކަމަށާއި، ވަގުތީ އަމުރުން އަސްލު މައްސަލައަށް ފަރުވާ ލިބިފައިވާ ކަމަށެވެ.

ކުލީގެ އެއްބަސްވުމެއް ބާޠިލުކުރުމަށާއި ގެއްލުމުގެ ބަދަލަށް ކުރި ދަޢުވާއެއްގައި، ކުއްޔަށް ހިފި ފަރާތް ގެއާއި ރެސްޓޯރެންޓަށް ނުވަނުމަށް މެޖިސްޓްރޭޓް ކޯޓުން ނެރުނު ވަގުތީ އަމުރު، ސުޕްރީމް ކޯޓުގެ 2012/SC-A/21 ޤަޟިއްޔާގައިވާ ވަގުތީ އަމުރު ނެރުމުގެ ޝަރުޠުތަކާ އެއްގޮތަށް ނެރެފައިވޭތޯ.

ދަށުކޯޓުގެ ވަގުތީ އަމުރު ބާޠިލު

އެއްބަސްވުމުގެ މުއްދަތު ހަމަނުވެ އޮތްއިރު ދަޢުވާކުރާ ފަރާތަށް ޙިމާޔަތް ލިބެންޖެހޭ ޙައްޤެއްގެ އިޙްތިމާލު ފާޅުކަން ބޮޑުކޮށް ނުފެނެއެވެ. އަދި އަމުރުގެ ސަބަބުން ކުއްޔަށް ހިފި ފަރާތަށް ލިބިދާނެ ގެއްލުމަށް ދަށުކޯޓުން ރިޢާޔަތްކޮށްފައި ނުވާތީ، 2012/SC-A/21 ގެ އުޞޫލުތަކާ ޚިލާފެވެ.