ޖުޑީޝަލް ސަރވިސް ކޮމިޝަން ވ. މުޙައްމަދު ޒުހައިރު

ވަޒީފާއާބެހޭ ޓްރައިބިއުނަލުން ކަނޑައެޅީ ޝަރުޢީ ދާއިރާގެ މުވައްޒަފުންގެ ގަވާއިދު 2011 ގެ 213 ވަނަ މާއްދާގެ ކޮން ޙާލަތެއްކަން ބުނެދެވިފައިނުވާތީ އަދި އިންޒާރަށްފަހު އަލަށް ޢަމަލެއް ދިމާވިކަން ނޭނގޭތީ، އެ ދަށުން ވަކިކުރިކަމަށް ނުބެލެވޭނެ ކަމަށާއި، ވަޒީފާއާބެހޭ ޤާނޫނުގެ 29 ވަނަ މާއްދާގެ ދަށުން 60,740 ރުފިޔާގެ ބަދަލު ދިނުމަށެވެ.

ގދ. ތިނަދޫ މެޖިސްޓްރޭޓް ކޯޓުގެ ކޯޓު އެޑްމިނިސްޓްރޭޓަރު، ލިޔުމުން ނަޞޭޙަތާއި 04 އޯގަސްޓް 2015 ގައި ލިޔުމުން އިންޒާރު ދިނުމަށްފަހު، 26 އޮކްޓޫބަރ 2015 ގައި ޝަރުޢީ ދާއިރާގެ މުވައްޒަފުންގެ ގަވާއިދުގެ 93 އަދި 213 ވަނަ މާއްދާގެ ދަށުން ވަޒީފާއިން ވަކިކުރިއެވެ.

ދައުލަތުން ބުނީ ޓްރައިބިއުނަލުން ހުށަހެޅި ލިޔެކިޔުންތަކަށް ރިޢާޔަތްނުކުރާ ކަމަށާއި، ޝަރުޢީ ދާއިރާގެ މުވައްޒަފުންގެ ގަވާއިދު 2011 ގެ 93 ވަނަ މާއްދާގެ ދަށުން ޑީ.ޖޭ.އޭ އަށް ލިބިދީފައިވާ ބާރަށް ރިޢާޔަތްނުކުރާ ކަމަށެވެ.

ޝަރުޢީ ދާއިރާގެ މުވައްޒަފުންގެ ގަވާއިދުގެ 93 އަދި 213 ވަނަ މާއްދާގެ ދަށުން ނޯޓިހެއް ނުދީ ކޯޓު އެޑްމިނިސްޓްރޭޓަރަކު ވަޒީފާއިން ވަކިކުރުމަކީ ޢަދުލުވެރި، އެކަށީގެންވާ ހަމައެއްގެ މައްޗަށް ކުރި ވަކިކުރުމެއްތޯ.

އިސްތިއުނާފު ބާޠިލް، ޓްރައިބިއުނަލްގެ ނިންމުން ޤާއިމް

އިންޒާރަށްފަހު ޢަމަލެއް ތަކުރާރުވިކަން ނުވަތަ 213 (ހ) ގެ ޙާލަތެއް މެދުވެރިވިކަން ލިޔެކިޔުންތަކުން ނޭނގޭތީއާއި، ވަކިކުރުމުގެ ކުރިން ޖަވާބުދާރީވުމުގެ ފުރުޞަތު ދީފައިނުވާތީ، ވަކިކުރުން ޢަދުލުވެރި ނޫނެވެ.