2017/HC-A/91

ސިވިލް ކޯޓުން (2398/Cv-C/2016) ނިންމީ، އާބިޓްރޭޝަން ޤާނޫނުގެ 73(ހ) އާއި 89(ށ) ގެ ދަށުން، އެވޯޑް ތަންފީޛުކުރެވޭނީ އެ އެވޯޑާމެދު ހައިކޯޓުން ގޮތެއް ކަނޑައަޅާ ކުރާ ޙުކުމާ އެއްގޮތްވާގޮތުގެ މަތިން އޭގެ ފަހުގައި ކަމަށެވެ.

އިންޓަރނޭޝަނަލް ޗެމްބަރ އޮފް ކޮމާސްގެ އިންޓަރނޭޝަނަލް ކޯޓް އޮފް އާބިޓްރޭޝަންގެ ނަންބަރު 19482/TO މައްސަލައިގެ އާބިޓްރަލް އެވޯޑާ އެއްގޮތަށް ސަން ޓްރެވަލް އެންޑް ޓުއަރސް ޕްރައިވެޓް ލިމިޓެޑުން ޢަމަލުނުކުރާތީ، އެވޯޑް ތަންފީޛުކޮށްދިނުމަށް ހިލްޓަން އިންޓަރނޭޝަނަލް މެނޭޖް (މޯލްޑިވްސް) ޕްރައިވެޓް ލިމިޓެޑުން ސިވިލް ކޯޓަށް މައްސަލަ ހުށަހެޅިއެވެ.

ސިވިލް ކޯޓުން އާބިޓްރޭޝަން މައްސަލަތައް ހައިކޯޓުން ބެލުމާބެހޭ ޤަވާއިދުގެ 16 ވަނަ މާއްދާގައިވާ އުޞޫލަށް ރިޢާޔަތްނުކޮށް، އާބިޓްރޭޝަން ޤާނޫނުގެ 73 ވަނަ މާއްދާ ނުބައިކޮށް މާނަކޮށްފައިވާ ކަމަށް އިސްތިއުނާފުކުރި ފަރާތުން ބުނެފައިވެއެވެ.

ދިވެހިރާއްޖެއިން ބޭރުގައި ހިންގި އާބިޓްރޭޝަނެއްގެ އާބިޓްރަލް އެވޯޑެއް ތަންފީޛުކުރުމަށް ހުށަހަޅަންޖެހޭ، އާބިޓްރޭޝަން ޤާނޫނު (10/2013) ގެ 73 ވަނަ މާއްދާގެ (ހ) ގައިވާ "ކަމާބެހޭ ކޯޓު" އަކީ ސިވިލް ކޯޓުތޯ، ނުވަތަ ހައިކޯޓުން އެވޯޑާމެދު އަމުރެއް ކުރުމަށްފަހުގައި ތޯ އެވޯޑް ތަންފީޛުކުރެވޭނީ.

ދަށުކޯޓުގެ ޙުކުމް ބާޠިލު

ޤާނޫނުގެ 72 އާއި 73(ހ) އާއި، ގަވާއިދު 2013/R-1698 އާއި، ޙުކުމްތަކާއި އަމުރުތައް ތަންފީޛުކުރުމުގައި ޤާއިމުވެފައިވާ އުސޫލުތަކަށް ބެލުމުން 73(ހ) ގައިވާ ކޯޓަކީ ސިވިލް ކޯޓުކަމުން، ސިވިލް ކޯޓުގެ ޙުކުމް ބާޠިލުކުރިއެވެ.