2017/HC-A/90

ސިވިލް ކޯޓުން US$20,000 އާއި ވަކީލުގެ ފީ ކަމުގައިވާ 30,000 ރުފިޔާ ދައްކަން ޙުކުމްކޮށް، ގެއްލުމުގެ ބަދަލު ނަގައިނުދެއެވެ.

ދަޢުވާކުރި ފަރާތުން އިސްތިއުނާފުކުރި ފަރާތަށް ޗެކަކުން ދިން US$20,000 އެއް މަސްދުވަހުގެ ތެރޭގައި އަނބުރާ ނުދައްކައި، ޟަމާނަތުގެ ގޮތުގައި ދިން ޗެކަށްވެސް ފައިސާ ނުލިބުނެވެ. ފައިސާއާއި ގެއްލުމުގެ ބަދަލާއި ވަކީލުގެ ފީ ހޯދުމަށް ދަޢުވާކުރިއެވެ.

އިސްތިއުނާފުކުރި ފަރާތުން US$20,000 އާމެދު އިޢުތިރާޟު ނުކުރެއެވެ. ވަކީލުގެ ފީ ދައްކަން ކަނޑައެޅުމަކީ 2009/HC-A/348 ގެ އުޞޫލާ ޚިލާފު ނިންމުމެއް ކަމަށް ބުންޏެވެ.

ދެފަރާތުގެ ދެމެދު ވަކީލުގެ ފީއާ ބެހޭ އެއްބަސްވުމެއް ނެތްއިރު، ދަޢުވާކުރި ފަރާތުގެ ޤާނޫނީ ވަކީލުގެ ފީ ދަޢުވާލިބުނު ފަރާތުގެ އަތުން ނަގައިދެވޭނެތޯ.

ދަށުކޯޓުގެ ޙުކުމުގެ ބައެއް ބާޠިލު (ވަކީލުގެ ފީ ދައްކަން ކަނޑައެޅި ބައި)

2009/HC-A/348 ގައި ކަނޑައަޅާފައިވާ ގޮތުން ވަކީލު ފީ އަނެއް ޚަޞްމުގެ އަތުން ނަގައިދެވޭނީ ދެފަރާތުގެ ދެމެދު އެކަމާ ގުޅޭ އެއްބަސްވުމެއް އޮތްނަމައެވެ. މި މުޢާމަލާތުގައި އެފަދަ އެއްބަސްވުމެއް ވެފައިވާކަން ނޭނގޭތީ ވަކީލުގެ ފީގެ ބައި ބަދަލުކުރެވުނެވެ.