2017/HC-A/53

މުޖުތަމަޢުގެ ސަލާމަތަށް ނުރައްކާވެދާނެކަމަށްޓަކައި ތުހުމަތުކުރެވޭ ފަރާތް ގޭގައި ބަންދުކޮށްފައި ބެހެއްޓުމަށް ކްރިމިނަލް ކޯޓުން އަމުރުކުރި.

ބަނގުރާ ގެންގުޅެ އެތަކެތީގެ ވިޔަފާރިކުރުމުގެ ތުހުމަތުގައި ގޭގައި ބަންދުކޮށްފައި ހުރި ފަރާތުގެ ބަންދުގެ މުއްދަތު އިތުރުކުރުމަށް ފުލުހުން އެދުނީ މުޖުތަމަޢުގެ ސަލާމަތާއި ރައްކާތެރިކަމަށްޓަކައެވެ. ވަކިތަނެއްގައި ބަހައްޓަން ފޯމުގައި އެދިފައި ނުވެއެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޤަވާޢިދުގެ 7 ވަނަ މާއްދާއާ ޚިލާފު، އަދި ޤާނޫނުއަސާސީގެ 143 ވަނަ މާއްދާގެ (ރ) ގެ ދަށުން ތަބާވާންޖެހޭ ސުޕްރީމް ކޯޓުގެ 2010/SC-A/19 އާއި 2011/SC-A/33 ގެ އުޞޫލަށް ރިޢާޔަތްނުކުރާ އަމުރެއް ކަމަށެވެ.

ތުހުމަތުކުރެވޭ ފަރާތް ގޭގައި ބަންދުކޮށްފައި ބެހެއްޓުމަށް ކްރިމިނަލް ކޯޓުން ނެރުނު އަމުރަކީ ޤާނޫނުއަސާސީގެ 49 ވަނަ މާއްދާއާއި ބަންދާބެހޭ ޤަވާޢިދުގެ 7 ވަނަ މާއްދާއާއި ސުޕްރީމް ކޯޓުގެ ސާބިތު އުޞޫލާ ޚިލާފު އަމުރެއްތޯ.

ދަށުކޯޓުގެ އަމުރު ޤާއިމް؛ އިސްތިއުނާފު ބަލައިނުގަނެވި

ފުލުހުން ދަށު ކޯޓުގައި ވަކިތަނެއްގައި ބަހައްޓަން އެދިފައިނުވާއިރު، ދައުލަތުން އިސްތިއުނާފުގައި އެދެނީ ދަށު ކޯޓުގައި އެދިފައިނުވާ ފަރުވާއަކަށް ކަމުން ގޭ ބަންދުގެ އަމުރަށް ބަދަލު ގެންނަންޖެހޭ ސަބަބެއް ނެތް.