2016-HC-A/428

ކްރިމިނަލް ކޯޓުން އިސްތިއުނާފުކުރި ފަރާތުގެ މައްޗަށް ރޭޕްކުރުމުގެ ކުށް ސާބިތުވާކަމަށް ކަނޑައަޅައި 15 އަހަރު ޖަލަށްލުމަށް ޙުކުމްކޮށް، ދެވަނަ މުއްތަހަމުގެ މައްޗަށް ދަޢުވާ ސާބިތުނުވާކަމަށް ނިންމިއެވެ.

ރިސޯޓެއްގައި ވަޒީފާ އަދާކުރި ދެމީހަކު ރިސޯޓުގެ މުވައްޒަފެއް ރޭޕްކުރިކަމަށް ދައުލަތުން ދަޢުވާކުރި މައްސަލައެކެވެ. ހާދިސާ ހިނގި ވަގުތު ކުށުގެ ޝިކާރައަކަށްވީ ފަރާތް ހުރީ މަސްތުގެ ޙާލަތުގައި ކަމަށް ހެކިބަހުން އެނގެއެވެ.

އިސްތިއުނާފުކުރި ފަރާތުން ބުނީ ރޭޕްކުރިކަމާއި ރޭޕްކުރި ގޮތް ސާބިތުވެފައިނުވާކަމަށާއި، ހިއަރސޭ ހެކި ބަލައިގަނެފައިވާކަމަށާއި، ޝިކާރައަކަށްވީ ފަރާތް ޝަރީޢަތަށް ހާޟިރުކޮށްފައިނުވާކަމަށާއި، މަސްތުގެ ޙާލަތާއި ފޮރެންސިކް ފުށުއެރުންތަކަށް ރިޢާޔަތްކޮށްފައިނުވާކަމަށާއި، ޤާނޫނު ނަންބަރު 17/2014 (ޖިންސީ ކުށުގެ ޤާނޫނު) ގެ 52 ވަނަ މާއްދާގެ ހެކީގެ ނިސްބަތް ހަމަނުވާކަމަށެވެ.

ރޭޕްކުރުމުގެ ކުށުގެ ދަޢުވާގައި ޖިންސީ ގުޅުން ހިންގާފައިވާކަން ސާބިތުވުމަށްފަހު، އެ ޢަމަލު ހިންގާފައިވަނީ ކުށުގެ ޝިކާރައަކަށްވީ ފަރާތުގެ ރުހުމެއްނެތި ގަދަކަމުންކަން ޤާނޫނު ނަންބަރު 17/2014 (ޖިންސީ ކުށުގެ ޤާނޫނު) ގެ 52 އަދި 53 ވަނަ މާއްދާގެ މިންގަނޑުތަކަށް ސާބިތުވޭތޯ؛ އަދި ޖިންސީ ކުށުގެ ޤާނޫނުގެ 53 ވަނަ މާއްދާގައިވާ ދަޢުވާ ނަފީކުރާ ޙާލަތެއް ދިމާވެފައިވޭތޯ.

ކުށްވެރިކޮށް 15 އަހަރު ޖަލަށްލުމަށް ކުރި ޙުކުމް ބާޠިލު

ގަދަކަމުން ކަމާއި ނުރުހުން ސާބިތުކުރުމަށް ހުރީ ޝިކާރައަކަށްވީ ފަރާތުގެ ބުނުން އެކަނިކަމާއި، ވެޖައިނަލް ސްވޮބުގެ ޑީ.އެން.އޭ ނަތީޖާއާ އެ ފަރާތުގެ ވާހަކަ ފުށުއަރާތީ 53(ހ) ގެ ޙާލަތް ދިމާވާކަމާއި، ތަޙުޤީޤަށާއި ޑޮކްޓަރަށް ފުށުއަރާ މަޢުލޫމާތު ދީފައިވާތީ 53(ނ) ގެ ޙާލަތްވެސް ދިމާވާތީ ދަޢުވާ ސާބިތުނުވާކަމަށް ކަނޑައެޅިއެވެ.