2016/HC-A/382

ސިވިލް ކޯޓުން ބާޠިލުކުރި ސިޓީ ބާޠިލުކޮށް، އެއްބަސްވުމުގެ ޒިންމާތައް އަދާކުރުމަށާއި މެދުކެނޑުނު ދުވަސްތަކުގެ ފައިސާ އެއްފަހަރާ ދައްކަން ކޮމިޝަނަށް ޙުކުމްކުރިއެވެ.

އިލެކްޝަންސް ކޮމިޝަނުގެ މުވައްޒަފަކަށް ތައިލޭންޑުގައި ޕީއެޗްޑީ ހެދުމަށް 4 އަހަރަށް މުސާރައާ އެއްވަރުގެ ފައިސާގެ އެހީ ދީ، ބަދަލުގައި 5 އަހަރު ޚިދުމަތްކުރުމަށް 4 އޮގަސްޓް 2014 ގައި އެއްބަސްވިއެވެ. 2015 އޮކްޓޯބަރުގައި ކޮމިޝަނުން އެއްބަސްވުން ބާޠިލުކުރިއެވެ.

ދައުލަތުން ބުނީ އިލެކްޝަންސް ކޮމިޝަންގެ ޤަވާއިދުގެ 47 ވަނަ މާއްދާގައިވާ ގޮތަށް ރަސްމީ ޖަލްސާއަކުން ފާސްނުކުރާތީ އެއްބަސްވުމަކީ ޣައިރުޤާނޫނީ، ބާޠިލު އެއްބަސްވުމެއް ކަމަށާއި، ކޮރަޕްޝަނުގެ ތުހުމަތާއި، ކޯސް ޓްރެއިނިންގ ރިކުއަރމަންޓުގައި ނުހިމެނޭކަމަށް ސިވިލް ކޯޓުން ރިޢާޔަތްނުކުރި ކަމަށެވެ.

މުވައްޒަފަކަށް ޕީއެޗްޑީ ކިޔެވުމަށް ޕެއިޑް ލީވް ދިނުމަށް އިލެކްޝަންސް ކޮމިޝަނުން ވި އެއްބަސްވުން، ކޮމިޝަނުގެ ރަސްމީ ޖަލްސާއަކުން ފާސްނުކުރުމުގެ ސަބަބުން ކޮންޓްރެކްޓާބެހޭ ޤާނޫނުގެ 17 ވަނަ މާއްދާގެ ދަށުން ޣައިރުޤާނޫނީ، ބާޠިލު އެއްބަސްވުމެއްތޯ، އަދި ކޮމިޝަނުން އެއްބަސްވުން ބާޠިލުކުރުން ޞައްޙަތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ޣައިރުޤާނޫނީ ކޮންޓްރެކްޓެއްކަން ސާބިތުކޮށްދޭންޖެހޭނީ ކޮމިޝަނުން ކަމަށާއި، އެޗްއާރް ޕެނަލުން ކޯސް ރެލެވަންޓްކަމަށް ނިންމައި 3 މެންބަރުން ވޯޓަށް އަހައި ޕެއިޑް ލީވް ދިން ކަމަށާއި، ނުޙައްޤު މަންފާއެއް ހޯދައިދިނުމުގެ ހެއްކެއް ނުލިބޭކަމަށް އެންޓި-ކޮރަޕްޝަން ކޮމިޝަނުން ބުނާކަމަށް ފާހަގަކޮށް، ދަށުކޯޓުގެ ޙުކުމަށް ތާއީދުކުރިއެވެ.