2016/HC-A/373

ދަޢުވާ ސާބިތުވާކަމަށް ކަނޑައަޅައި، ޤާނޫނުއަސާސީއަށް ރިޢާޔަތްކޮށް މަދު އަދަބު ކަނޑައެޅިފައިވާ އަލަށް ފާސްކުރެވުނު ޤާނޫނުލް ޢުޤޫބާތުގެ ދަށުން 9 މަހާއި 18 ދުވަހަށް ޖަލަށްލުމަށް މެޖިސްޓްރޭޓް ކޯޓުން ޙުކުމްކުރިއެވެ.

ރަށު އޮފީހުގެ ކަތީބުގެ މަޤާމުގައި ހުރެ، މުދަލު ޒަކާތުގެ ގޮތުގައި ލިބުނު ފައިސާ އަތޮޅު އޮފީހާ ޙަވާލުކުރުމަށް އަތަށް ދިނުމުން، އެފައިސާ ޙަވާލުނުކުރުމުން ސަރުކާރުގެ މުދަލަކަށް ޚިޔާނާތްތެރިވުމުގެ ދަޢުވާ ކުރިއެވެ. ފައިސާ އަތޮޅު އޮފީހާ ޙަވާލުކުރީ ގިނަ މަސްތަކެއް ފަހުންނެވެ.

ޚިޔާނާތުގެ ކުށުގެ ހުރިހާ އުންޞުރެއް ސާބިތުނުވާކަމަށާއި، ޔަޤީނާ ގާތްކުރާ މިންވަރަށް ސާބިތުނުވެ ޤަރީނަތުލް ބަރާއާ ޚިލާފަށް ކުށް ސާބިތުކުރި ކަމަށް އިސްތިއުނާފުކުރި ފަރާތުން ބުނެ، ފައިސާ ތަޙްޤީޤުކުރިއިރު ދައްކާފައި ހުރި ކަމަށާއި މާލިއްޔަތު ޤަވާއިދާ ޚިލާފުވާނަމަ ޖޫރިމަނާކުރުން އޮންނަ ކަމަށް ބުނެފައިވެއެވެ.

ރަށު އޮފީހެއްގެ ކަތީބަކަށް އަތޮޅު އޮފީހާ ޙަވާލުކުރުމަށް ދިން މުދަލު ޒަކާތުގެ ފައިސާ ޙަވާލުނުކުރުމުން، ސަރުކާރުގެ މުދަލަކަށް ޚިޔާނާތްތެރިވުމުގެ ކުށުގެ ހުރިހާ އުންޞުރެއް ޔަޤީނާ ގާތްކުރާ މިންވަރަށް ސާބިތުވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ފައިސާ ޙަވާލުނުކުރާކަމާއި ފައިސާ މަދުވިކަން އޭނާގެ ބަހުން ސާފުވުމާއި، މަދުވި ވާހަކަ އޮފީހަށް ނާންގައި ކަނޑައަޅާފައިވާ ގޮތަށް ޢަމަލުނުކޮށް އަމިއްލަ ފައިސާއިން ހަމަކޮށް ދެއްކުމަކީ ޚިޔާނާތްތެރިވިކަމުގެ ކާފީ ހެއްކެއް ކަމަށް ކޯޓުން ކަނޑައެޅިއެވެ.