2016/HC-A/266

ސިވިލް ކޯޓުން އިޖުރާއީ ނިންމުމަކުން މައްސަލަ ބެލުމުގެ އިޚްތިޞާޞް ލިބިގެންވާކަމަށް ކަނޑައަޅައި، ފަހުން ވަކިކުރުމަކީ ޤާނޫނާ ޚިލާފު ވަކިކުރުމެއްކަމަށް ކަނޑައަޅައި 54,500 ރުފިޔާ ދިނުމަށް ޙުކުމްކުރި.

ހޮސްޕިޓަލެއްގެ ސީނިއަރ މެޑިކަލް އޮފިސަރު 3 މަހުގެ ނޯޓިސް ދީ އިސްތިޢުފާ ދިނުމަށްފަހު، ވަޒީފާދޭ ފަރާތުން ނޯޓިސް މުއްދަތު ހަމަވުމުގެ ކުރިން ވަޒީފާއިން ވަކިކޮށް، އެއްބަސްވުމުގެ ބާކީ މުއްދަތުގެ މާލީ މަންފާ/ބަދަލު ދޭނެކަމަށް ސިޓީގައި ބުނުމަށްފަހު އެ ފައިސާ ދިނުމަށް އިންކާރުކުރި.

އިސްތިއުނާފުކުރި ފަރާތުން ބުނީ މިއީ ވަޒީފާއާބެހޭ ޓްރައިބިއުނަލުން ބަލަންޖެހޭ މައްސަލައެއްކަމަށާއި (2012/HC-A/315)، ޙުކުމަކީ އިޖުރާއީ ނިންމުމާ ތަޢާރަޟުވާ ޙުކުމެއްކަމަށާއި، އެއްބަސްވުމުގެ މުއްދަތު ހަމަވެފައިވާކަމާއި "Compensation" ގެ މާނައަށް ރިޢާޔަތްނުކުރާކަމަށެވެ.

ވަޒީފާއިން ވަކިކުރިކަން އަންގައި ފޮނުވި ސިޓީގައި ވަޒީފާދޭ ފަރާތުން ދޭނެކަމަށް އެއްބަސްވި ބަދަލު ހޯދުމަށް ހުށަހަޅާ މައްސަލައެއް ބެލުމުގެ އިޚްތިޞާޞް ސިވިލް ކޯޓަށް ލިބިގެންވޭތޯ؛ އަދި އެފަދަ މައްސަލައެއް ވަޒީފާގެ މައްސަލައެއްގެ ގޮތުގައި ބައްލަވައި ވަކިކުރުމުގެ ޤާނޫނީ ކަމާމެދު ސިވިލް ކޯޓުން ގޮތެއް ކަނޑައެޅުން ޞައްޙަވޭތޯ.

ބައެއް ބަދަލުކުރި (ސިވިލް ކޯޓުގެ އިޖުރާއީ ނިންމުމާއި ފައިސާ ދިނުމުގެ ނިންމުން ޤާއިމު؛ ވަޒީފާގެ މައްސަލައެއްގެ ގޮތުގައި ފާހަގަކުރި ކަންކަން ބާޠިލު)

ވަޒީފާގެ ގުޅުން ނިމޭފަހުން ވެވޭ އެއްބަސްވުމުން އުފެދޭ މައްސަލަތައް ސިވިލް ކޯޓަށް ހުށަހެޅިދާނެތީ އިޖުރާއީ ނިންމުން ޞައްޙަ؛ ނަމަވެސް ވަޒީފާގެ މައްސަލައެއްގެ ގޮތުގައި ބައްލަވައި ވަކިކުރުމުގެ ޤާނޫނީ ކަމާމެދު ފާހަގަކުރި ކަންކަން އިޚްތިޞާޞުގެ ބޭރުން؛ ސިޓީގައި އެއްބަސްވި ބަދަލުގެ މިންވަރު ދޭންޖެހޭ.